Du bist nicht eingeloggt! Möglicherweise kannst du deswegen nicht alles sehen.
  (Noch kein mods.de-Account? / Passwort vergessen?)
Zur Übersichtsseite
Hallo anonymer User.
Bitte logge dich ein
oder registriere dich!
 Moderiert von: Lunovis


 Thema: Simmer würkli? ( ... so alt. )
erste ungelesene Seite | letzter Beitrag 
Kif

AUP Kif 20.09.2014
... so alt.
Da es langsam nüm luschtig isch, wani so a Stüüre zahle muen und wa d Stüürerklärig füren komplizierte Scheiss wora isch, bini würkli langsam so wiit und frög mi: "Bruchi en Stürberoter? Söli i die 3 Süüle iizahle? Warum tuet mer mengmol alles so weh? Warum kenni plötzlich Firmeinhaber? Wieso wönd mer Kollege vo Früehner anere Mess plötzlich Huuseigetum oder en Whirlpool schmackhaft mache?"

Nöd dasi überforderet, verschuldet oder suswas bin, aber hey, i bi no kei 30 und i ha immer ghofft, dass das alles 40/50+ Problem sind, aber vor allem ez, woni massiv entschleunigt han, isch alles echli surreal.

Item, wie handhabet er so Erwachsenezügs? Folget me em Rot vo Beroter, wo eim zum Glück überall (natürlich geg es Entgeld) zur Verfüegig stönd, oder macht me no alles selber? I ha ganz ehrlich kei Ziit oder Bock das alles selber go recherchiere, abarbeite oder sogär abzschicke(sogär Abstimmigszeddel hend bloss e Retourrate vo 40%), aber gliichzitig wörs sich komisch aafühle, wenn me sis "Glück" (i dem Sinn) i fremdi Händ git.

Simmer so wiit? Mer hend jetzt Firmene, Hüüser, Chind und anderi Verpflichtige. Simmer ez würkli erwachse?
28.11.2016 18:44:15  Zum letzten Beitrag
[ zitieren ] [ pm ] [ diesen post melden ]
darkimp

DarkImp
betruebt gucken
jep.
28.11.2016 22:36:17  Zum letzten Beitrag
[ zitieren ] [ pm ] [ diesen post melden ]
[CH]Swift

swift
 
Zitat von Kif
Wieso wönd mer Kollege vo Früehner anere Mess plötzlich Huuseigetum oder en Whirlpool schmackhaft mache?"


Das esch nor wel du so alt usgsehsch, ich mues im Coop zom Bier chaufe no de Uswiis zeige verschmitzt lachen

I mache alles sälber, das Johr hani aber definitiv meh als gnue erwachsene-behördekram erledige döffe...
29.11.2016 8:25:25  Zum letzten Beitrag
[ zitieren ] [ pm ] [ diesen post melden ]
Shooter

shooter
...
Ich stand mit minere Stüürerklärig au jedes joor vo neuem ufem Kriegsfuess. Bi mir isches aber nid d Hypothek oder d Süüle 3A wo das ganze kompliziert macht, sondern die verdammte Mitarbeiteraktie wonni jede Monet chaufe due. Lohnt sich brutal, für d stüüre aber unheimlich kompliziert Breites Grinsen
Do griegi jedes joor öpe 40 Siite unterlage und weiss jedes joor nie welle wärt dassi do agäh mues (wenns denn nur eine wär, lel).

Aber a propos Süüle 3A. Unbedingt iizahle wenn möglich. Stüürersparnis dört druus isch relativ hoch.

Und jo, mir sind jetzt halt erwachse. Isch scho scheisse, aber was willsch mache?
29.11.2016 12:16:57  Zum letzten Beitrag
[ zitieren ] [ pm ] [ diesen post melden ]
Kif

AUP Kif 20.09.2014
Und bi wem meldet me sich doh, wenn me sone 3. Süüle will?
Ganz im Ernst, i wüsst nöd wo aafoh. Ussert Google. peinlich/erstaunt
29.11.2016 18:08:08  Zum letzten Beitrag
[ zitieren ] [ pm ] [ diesen post melden ]
Shooter

shooter
...
 
Zitat von Kif

Und bi wem meldet me sich doh, wenn me sone 3. Süüle will?
Ganz im Ernst, i wüsst nöd wo aafoh. Ussert Google. peinlich/erstaunt


Bi dinere Bank. Alüte, sage "mach bitte süüle 3a konto", Bank macht s Konto, du duesch s Gäld überwiese (maximal rund 6800.-, eifach per Kontoübertrag im Ebanking).

Wichtig, wenn das no mache willsch, muesches bis ändi Joor no mache (also am beste jetzt), sünscht längts nümm für die nöggscht stüürerklärig.

/Süüle 3a isch denn eifach wie es Sparkonto wo kei Zuegriff druf hesch, usser wenn ebe zum Bispil e wohnig chaufsch, denn chasches ne. Aber wenn die rund 6800.- eh übrig hesch und nid weisch was drmit mache, denn bringts scho. Chasch jo au mol im EasyTax usrächne was de an Stüüre sparsch.
Chasch natürlich au weniger druf izahle. Eifach nid mehr. Usser bisch selbstständig, denn chasch glaub 3x soviel izahle (wenn kei Pansionskasse hesch oder sowas).
[Dieser Beitrag wurde 2 mal editiert; zum letzten Mal von Shooter am 29.11.2016 19:19]
29.11.2016 19:13:54  Zum letzten Beitrag
[ zitieren ] [ pm ] [ diesen post melden ]
Kif

AUP Kif 20.09.2014
Aso 6'800 im Johr, isch da richtig?

Aso Immobiliebsitzer bini dur dummi, ähm... Umständ au wora, drum gohts bi mer gad voll ab, was das aabelangt. I ha eifach kein Überblick meh irgendwie.
29.11.2016 21:01:19  Zum letzten Beitrag
[ zitieren ] [ pm ] [ diesen post melden ]
Shooter

shooter
...
Es sind nid ganz 6800.-, genau sinds das joor 6'768.-

Stüürtechnisch machts nid komplizierter, muesch denn eifach agäh dass das izahlt hesch (griegsch vo dr bank e bestätigung) und das wird dr denn vom stüürbare ikomme abzoge, dasch im easytax eifach greglet.

Immobilie sind do chli anders, ich weiss. Katasterwärt, Brandwärt, Eigemietwärt, blabla, huere müesahm Breites Grinsen

/Ich glaub, ich ha die letschte joor no jedesmol öpis dörfe nocheschicke wonni vergässe ha agäh mit den Augen rollend
[Dieser Beitrag wurde 3 mal editiert; zum letzten Mal von Shooter am 30.11.2016 9:48]
30.11.2016 9:47:02  Zum letzten Beitrag
[ zitieren ] [ pm ] [ diesen post melden ]
solaaaaaaaaar

solaaaaaaar
Aso i bi au erscht 26, aber mis Läbe isch no immer relativ simpel. Kei Frau, Chind, Immobilie oder so was komisches. Arbet, Wiiterbildig und bald no Studium. Mit chli halbwüsse und SABTA chum i eigentli ganz okay durchs Läbe.
Häng ich afach hinedrii, oder was mached ihr denn alles so komplizierts? skeptisch
01.12.2016 9:35:38  Zum letzten Beitrag
[ zitieren ] [ pm ] [ diesen post melden ]
[CH]Swift

swift
Mer send eifach no vell älter traurig
01.12.2016 11:14:52  Zum letzten Beitrag
[ zitieren ] [ pm ] [ diesen post melden ]
solaaaaaaaaar

solaaaaaaar
Pfeil
I bruuch konkreti Altersangabe!
Damit i weiss, ab wänn i mue Angscht kriege.
01.12.2016 11:26:20  Zum letzten Beitrag
[ zitieren ] [ pm ] [ diesen post melden ]
[CH]Swift

swift
>30 ond ghürote
01.12.2016 11:52:03  Zum letzten Beitrag
[ zitieren ] [ pm ] [ diesen post melden ]
solaaaaaaaaar

solaaaaaaar
 
Zitat von [CH]Swift

>30 ond ghürote



Okay. Wird versueche vo dene zwei Sache fernzbliibe.

Being old - Not even once!
01.12.2016 15:14:24  Zum letzten Beitrag
[ zitieren ] [ pm ] [ diesen post melden ]
abarth

Arctic
30, gschide, alleierziehend...

gib ihm mit den Augen rollend

aber eigetlich empfind i da ned so wie du kif, isch scho alles anderst worde aber ghört halt dezue, ne?
01.12.2016 16:31:53  Zum letzten Beitrag
[ zitieren ] [ pm ] [ diesen post melden ]
~Klages


ich mach au alles sälber, teils chli müehsam aber bis jetzt isch no immer gange.

bi jetzt 31 und eigentlich gohts mr besser denn je, sit >5 johr es guets greglets ikomme und keini kinder. was will mr meh?
in jüngere johre isch das irgendwie ales astrengender gseh.
03.12.2016 9:30:20  Zum letzten Beitrag
[ zitieren ] [ pm ] [ diesen post melden ]
Strich

AUP Strich 07.01.2011
i bi so alt es brucht fascht e wuche bis i check das i dem unterforum en neue thread ufgmacht wird Hässlon

i mach alles selber. isch aber au einigermasse übersichtlich peinlich/erstaunt
3. süle bini mir au am überlege aber es stört mi kle dass i nöd direkt druf zuegriffe kann wieni will :/
03.12.2016 12:34:24  Zum letzten Beitrag
[ zitieren ] [ pm ] [ diesen post melden ]
Schnudelhuber

AUP -WC|Trasher- 11.10.2009
Also i los d stüüre sed es paar johr bim treuhänder mache.
80.-, defür isch das züg suuber und richtig gmacht und d abzüg passed au überall.

Rescht was no so isch (versicherige etc.) mach i selber.

Süüle 3a, han i mer au scho überleit.
Aber has do kli wie de strich.
Kei bock wenn i kei zuegriff ufs geld han.
Und so bald gits nöd nomol e immobilie...
05.12.2016 22:29:18  Zum letzten Beitrag
[ zitieren ] [ pm ] [ diesen post melden ]
solaaaaaaaaar

solaaaaaaar
 
Zitat von Schnudelhuber

Also i los d stüüre sed es paar johr bim treuhänder mache.
80.-, defür isch das züg suuber und richtig gmacht und d abzüg passed au überall.

Rescht was no so isch (versicherige etc.) mach i selber.

Süüle 3a, han i mer au scho überleit.
Aber has do kli wie de strich.
Kei bock wenn i kei zuegriff ufs geld han.
Und so bald gits nöd nomol e immobilie...



80 Franke? Da isch jo vill weniger als ich mir denkt het. Gits do en Catch? Oder laufsch würkli afach mit allne Dokument zum Treuhänder und seisch: Mach mol für 80 Schtutz?
09.12.2016 9:15:21  Zum letzten Beitrag
[ zitieren ] [ pm ] [ diesen post melden ]
Shooter

shooter
...
 
Zitat von Schnudelhuber

Süüle 3a, han i mer au scho überleit.
Aber has do kli wie de strich.
Kei bock wenn i kei zuegriff ufs geld han.
Und so bald gits nöd nomol e immobilie...


Ganz grundsätzlich macht me die dritt süüle jo au für spöter mol Breites Grinsen

Ich persönlich würd nid ällei uf die gsetzlich altersvorsorg go, das wär mir irgendwie en zu heisse. Privat Vorsorge findi scho wichtig. Ich ha näb dr sülle drei A mich au no in es programm in dr Firma ikauft (Mitarbeiteraktie).
12.12.2016 9:56:57  Zum letzten Beitrag
[ zitieren ] [ pm ] [ diesen post melden ]
darkimp

DarkImp
I ha 3a und 3b, uf die 1. süüle verlohnimi kei Stück.

Isch halt leider eso (zumindest mathematisch), dass sich jedes Joor, wode z spoot ahfangsch, denn eifach rächt. Vilicht. wer weiss das scho. Das isch ebe s Problem Augenzwinkern Entweder glaubsch e bitzeli drah, oder nit.
12.12.2016 15:26:00  Zum letzten Beitrag
[ zitieren ] [ pm ] [ diesen post melden ]
Schnudelhuber

AUP -WC|Trasher- 11.10.2009
 
Zitat von solaaaaaaaaar

 
Zitat von Schnudelhuber

Also i los d stüüre sed es paar johr bim treuhänder mache.
80.-, defür isch das züg suuber und richtig gmacht und d abzüg passed au überall.

Rescht was no so isch (versicherige etc.) mach i selber.

Süüle 3a, han i mer au scho überleit.
Aber has do kli wie de strich.
Kei bock wenn i kei zuegriff ufs geld han.
Und so bald gits nöd nomol e immobilie...



80 Franke? Da isch jo vill weniger als ich mir denkt het. Gits do en Catch? Oder laufsch würkli afach mit allne Dokument zum Treuhänder und seisch: Mach mol für 80 Schtutz?



Termin mit em Treuhänder mache.
Alli Sache wod musch iireiche und d s leere stüürerklärigsformular an Termin mitneh.
Denn hocksch mit ihm e halb stund ane und scho isch das ding fertig.
20.12.2016 15:47:26  Zum letzten Beitrag
[ zitieren ] [ pm ] [ diesen post melden ]
solaaaaaaaaar

solaaaaaaar
 
Zitat von Schnudelhuber

 
Zitat von solaaaaaaaaar

 
Zitat von Schnudelhuber

Also i los d stüüre sed es paar johr bim treuhänder mache.
80.-, defür isch das züg suuber und richtig gmacht und d abzüg passed au überall.

Rescht was no so isch (versicherige etc.) mach i selber.

Süüle 3a, han i mer au scho überleit.
Aber has do kli wie de strich.
Kei bock wenn i kei zuegriff ufs geld han.
Und so bald gits nöd nomol e immobilie...



80 Franke? Da isch jo vill weniger als ich mir denkt het. Gits do en Catch? Oder laufsch würkli afach mit allne Dokument zum Treuhänder und seisch: Mach mol für 80 Schtutz?



Termin mit em Treuhänder mache.
Alli Sache wod musch iireiche und d s leere stüürerklärigsformular an Termin mitneh.
Denn hocksch mit ihm e halb stund ane und scho isch das ding fertig.



Wänn ich jetzt bloss amigs wüsst, weli Dokument das i brücht. peinlich/erstaunt
Aber das wird i mit de Schtüüre '16 mol gnau so probiere. Merci!
22.12.2016 18:20:57  Zum letzten Beitrag
[ zitieren ] [ pm ] [ diesen post melden ]
 Thema: Simmer würkli? ( ... so alt. )


mods.de - Forum » Schweiz » 

Hop to:  

Thread-Tags:
Mod-Aktionen:
02.03.2019 22:08:59 Lunovis hat diesen Thread geschlossen.

| tech | impressum