|
|
|
|
| Zitat von DeathCobra
Hm, interessant. Und d Infrastruktur nach usse?
| |
S hett da mal en blackout in italie gää wil am nufene (?) d leitig vomne baum kappt worde isch und glichzitig e anderi hett müese gflickt werde.
Nach italie hends mittlerwiile glaubs 2 reserveleitige, frankrich isch traditionell guet erschlosse, dütschland au und österrich liferet selber strom dure nach italie usem oschte.
Die aktuell herusforderig isch in erschter linie d rückkanalisierig vode ganze energie wo vode underwerch und chliproduzente zruggspise worde isch. S netz wird debi ganz andersch belaschtet wenn d energie mal nöd nach abe flüsst und das hett derzit na niemer würklich im griff, theoretisch müest me chöne einzelni teil abtrenne und usschalte, genau das gat bide chline aber nöd.
E wunderbari parallele dezue hett de pratchett im buech der zeitdieb mit de zitmönch und irne zauderer bracht. Me chan nöd meh energie produziere als glichzitig verbrucht wird, wenn scho hett me problem, dass d frequenz vom netz schwankt was sich letschten endes inere abschaltkaskade und me blackout bemerkbar macht. Oder aber dass die produziert energie vor ort nöd chan abgfüert werde, was meischtens inere abschaltig oder ebä nöd vom chraftwerch ändet. Nur me chan ebä die ganze chline nöd abschalte, uf de andere site durets ewig es akw nachere notabschaltig wieder as netz z bringe...
D speicherchraftwerk werded über churz oder lang ihri betriebsmodi ändere müese und als nachtspeicher diene, derzit gitz aber na kan gschide abrechnigsmodus defür wil sichs eifach nöd lohnt, aber ich chan mer guet vorstelle, dass die chraftwerch bald mal als infratruktur definiert werded und so ihrerseits eifach en betrag pro transferierter kwh verlanged wies im netz scho länger üblich isch.
|
|
|
|
|
|
|
I find halt d Idee interessant, wenn me jetzt usstiege wör.
Erhöhte Druck uf Politik und Volk (choscht Geld) dürfted hoffetli dezue füehre, dases au ide Wirtschaft zunnere Chertwendig chunt und d Erforschig/Aquirierig vo alternative Bezugsquelle beschleunigt wird.
Aber jo, mi mu halt abwäge, riskiert me bis 2050(?) no en GAU mit dene alte Strahlechübel oder macht me sich vom Usland abhängig. Schlussendlich laufts uf die zwo Möglichkeite us.
I säge immer, Schwiizer lösed Problem gern mit Geld (machi mengmol au so ), wel devo hemmer gnueg, daher tendiere i zume früehziitige Usstiig. D Folge vome GAU isch leider eis vo de wenige Sache, wome nöd mit Geld löse chan.
|
|
|
|
|
|
|
| Zitat von Kif
I säge immer, Schwiizer lösed Problem gern mit Geld (machi mengmol au so ), wel devo hemmer gnueg
| |
Das isch leider so.
Ich finde, lieber selber d verantwortig überneh. Mer müsst sich mal vorstelle, irgendwo in Europa gits en Gau, anderi Mensche würde drunter liede wege eusem energiebedarf. Mir chönds eus leischte im "Paradies" zlebe und eusi Problem abzschiebe. Aber das sött nöd so sie.
Es müend die Mensche s Risiko träge wo au devo profitiered. Das isch in mine Auge de einzig weg
Git gnueg anderi sache wo scho zu laschte vo arme Mensche gönd, denn muess es nöd sowas sie.
Die Grüne seged uf ihre Website:
| Die Initiative sieht als spätesten Ausstiegszeitpunkt bereits das Jahre 2029 vor, wenn das AKW Leibstadt abgeschaltet wird. Bis dann lassen sich die fünf AKW der Schweiz problemlos ersetzen. | |
Sölleds es halt eifach zeige wies gaht und guet isch.
¤dit:
Vielleicht schaffts Europa vo de Atomenergie und z.b em Verbrennigsmotor wegzcho, allerdings passiert das uf koste vo de Länder wo mit Kohle, Gas und Atomenergie die benötigte Teil für e Energiewendi herstelled. Leider lebed mir aber all ufem gliche Planet und irgendwenn treffed eus die Nebeneffekt au no
Am schluss Hilft nur de Verzicht uf immer meh Energie. Aber das wott ja niemmer
|
[Dieser Beitrag wurde 1 mal editiert; zum letzten Mal von -Riddick- am 08.11.2016 20:13]
|
|
|
|
|
|
|
|
|
|
|
|
|
|
Staht doch da das die gesamt Stromlast 8934MW isch.
De 1/3 Atomenergie isch mir klar, frag isch eher wie mer de 1/3 chan kompensiere? Für wind und Sunnekraftwerk müsst mer es vielfaches produziere damit mer schlussendlich de 1/3 chan kompensiere und au denn chasch nie sicher sii das es würklich langed. Es chan ja schlechtwetter und windstill si.
Es bringt ja nöd viel wenn im summer massiv meh strom produziert wird als mer brucht, de Strom muess genau denn produziert sie wenn mer ihn brucht. Wie chönt das klappe?
Aber klar, wenn mer jetzt AKWs abschalte isch das keis problem, solang ufem Europäische Strommarkt genügend Strom vorhande isch chamer de fehlend strom eifach importiere. Im schlimschte fall werde denn eusi Elektroautos mit Dütschem Kohle oder Gas strom glade. De Nomalbürger het zwar immer no es guets gwüsse aber ökologisch isch das trotzdem nöd
|
|
|
|
|
|
|
|
|
|
|
| Zitat von -Riddick-
Es bringt ja nöd viel wenn im summer massiv meh strom produziert wird als mer brucht, de Strom muess genau denn produziert sie wenn mer ihn brucht.
| |
Stimmt so nid ganz:
https://de.wikipedia.org/wiki/Pumpspeicherkraftwerk
| Zitat von -Riddick-
Im schlimschte fall werde denn eusi Elektroautos mit Dütschem Kohle oder Gas strom glade. De Nomalbürger het zwar immer no es guets gwüsse aber ökologisch isch das trotzdem nöd
| |
Dr Normalbürger isch relativ gseh nid würklich relevant, vor allem nid die paar wo mit E-Autos umefahre. Viel schlimmer wär's, wenn d Industrie widr uf billige Kohlestrom gsetzt hät.
|
|
|
|
|
|
|
Befüllt werde die dinger aber vorallem in der nacht und denn nöd mit öko Strom sondern AKW Strom und vermuetli Kohlestrom us Dütschland oder Frankriech
Darum han ich mal gfragt wie mir die dinger befülled wenn es kei sottig günstige Strom meh geh würd (agnoh all Nachbarländer produziered nur no us erneuerbare quelle)
|
|
|
|
|
|
|
Denn hesch das wod jetzt scho häsch: e än leischtigsüberschuss am mittag, also wird in zuekunft hald am mittag ufe und znacht abepumpt.
|
|
|
|
|
|
|
| Zitat von Lunovis
Denn hesch das wod jetzt scho häsch: e än leischtigsüberschuss am mittag, also wird in zuekunft hald am mittag ufe und znacht abepumpt.
| |
gits denn e Statistik nach Uhrziit wenn de überschuss an Strom ide schwiez vorhande isch?
Ich stah biz ufem schluch, wenn ich amig de Stromfluss uf Swissgrid aluege wird eigentlich von namittag weg massiv meh importiert als Exportiert.
https://www.swissgrid.ch/swissgrid/de/home/reliability/griddata/transmission.html
überschuss isch nur im Summer vorhande, lut dere Statistik.
Das würd bedüte, mer chönt im Hochsummer vermuetlich Wasser zrugg pumpe über de mittag.
|
[Dieser Beitrag wurde 3 mal editiert; zum letzten Mal von -Riddick- am 28.11.2016 17:23]
|
|
|
|
|
|
1. dini verlinkt grafik hett nüt mit dim text z tue
2. du bisch na immer bim transitmarkt, de binnemarkt isch nöd mal verzeichnet.
|
|
|
|
|
|
|
| Zitat von Lunovis
1. dini verlinkt grafik hett nüt mit dim text z tue
2. du bisch na immer bim transitmarkt, de binnemarkt isch nöd mal verzeichnet.
| |
swissgrid isch doch kein reine Transit?
Bilanz Import isch doch usschlaggebend?! Du redsch vo de Transit Leischtig, das isch uf dem Diagram extra ufgfühert.
|
|
|
|
|
|
|
|
|
|
|
Puh schwierig. Zu einem interessante Artikel aber ob mer damit iifluss chan neh uf wahlergebniss bezwiefle ich stark.
Allei scho das du kei so genau plazierti Werbig uf facebooks chasch schalte.
Mer chan Werbig nach interesse schalte und nach männlich/wiiblich ,alter und Zivielstand. Du chasch aber im Land selber nöd nach Rasse sortiere.
Wenn ich z.b für hochziitsfotografie Werbig schalte, denn wähl ich z.b Frauen und Männer wo im Status "in einer Beziehung" oder "verlobt" gwählt hend und denn wähl ich us welli sprach, evtl alter und Interesse. Bide Interesse isches schwierig, ich wähl amig, Fotografie, Familie, Partnerschaft, Hochzeit usw. Aber wie genau facebook weiss das e person die interesse het gseht mer nid.
Mer chan werbig guet lenke aber nid so genau wie die Firma im Artikel behauptet.
Zum andere sölled ja z.b Brexit wähler eher alt und konservativ gsi sii, wenn ich mich recht erinnere. Eher fraglich wie sehr sich die alte uf facebook manipuliere lönd.
Das sich PErsone nach ihrem Surfverhalte mit likes usw chan kategorisiere glaub ich gern, das isch scho beidruckend
| Zitat von Lunovis
und uf dini letscht Frag: du luegsch die ganz zit aa was id schwiz flüsst und was use, de binnemakrt mit sinere produktion isch nöd verzeichnet, also hesch du kei date wie viell im land selber verbrucht und produziert wird, da hilfts au nöd wenn du import vom export subtrahiersch.
| |
Strom flüsst aber nur wenn en verbrucher agschlosse isch, wieso söll mer das nöd eifach usrechne chöne? Stromproduktion schwankt mit erneuerbare energiequelle sehr stark. Da langets z.b nöd wenn de Jahresgsamtverbruch und d Jahresproduktion glich hoch isch. Bi erneuerbare Energieproduktion müsst produktion sehr viel höcher sii als de Jahresverbruch. Ich schätz eifach mal 200-300% damit mer Spitze immer decke chan.
Daher chasch du bi erneuerbare Energie au nöd eifach Jahreszahle neh und säge das wenn de z.b 3/4 vo de Jahres strom Produktion durch erneuerbari quelle fascht scho langed. Das langed nämlich hinde und vorne no lang nöd
Schwierig isches die Spitze am Morge Mittag und Abig chöne decke. Wenn du Bandenergie in höhe vo de Spitzelast häsch würds zu 100% immer gah.
Aber ohni die Bandenergie bruchchsch logischerwies massiv meh Produktionsalage als es eigentlich bruche würd.
Mal schient sunne nöd, mal häts inere Regoion kein Wind.
Erscht wenn mer soviel meh Produziert chamer ohni schlechts gwüsse z.b AKWs uoder Kohle/Gas KRaftwerk abschalte. Die Energie usem Usland importiere bringt eus ja eigentlich kein richtige mehrwert, find ich zumindest. Denn das funktioniert im Moment nur will all andere Länder sehr viel Kraftwerk hend wo Bandenergie erzüged.
|
|
|
|
|
|
|
Ales theme woni scho ide letschte posts gnüegend durekaut han
|
|
|
|
|
|
|
|
|
|
|
| Zitat von Strich
| Er habe das Video von einem Kollegen erhalten und irgendwie sei es auf seiner Seite gelandet. «Ich komme mit diesem Facebook auch nicht recht draus», so Klambaur. | |
m(
| |
#mausgerutscht
|
|
|
|
|
|
|
|
|
|
|
|
|
|
|
Das han ich hüt au denkt
|
|
|
|
|
|
|
Lol hallo, es gaht um Geld
|
|
|
|
|
|
|
stimmt, Geld staht in dem Land über allem
|
|
|
|
|
|
|
Shit, wenn me ide Schwiz wohnt wird nur dr Pass gsperrt? Do muesi scho chli lache, ich glaube ich sött mini Gschicht doch mol an es paar Zitige schicke.
|
[Dieser Beitrag wurde 1 mal editiert; zum letzten Mal von DeathCobra am 25.01.2017 19:13]
|
|
|
|
|
|
| Zitat von DeathCobra
Shit, wenn me ide Schwiz wohnt wird nur dr Pass gsperrt? Do muesi scho chli lache, ich glaube ich sött mini Gschicht doch mol an es paar Zitige schicke.
| |
verzell
|
|
|
|
|
|
|
De Kif het bsoffe de GSoA aaglüte.
|
|
|
|
|
|
|
| Zitat von -Riddick-
| Zitat von DeathCobra
Shit, wenn me ide Schwiz wohnt wird nur dr Pass gsperrt? Do muesi scho chli lache, ich glaube ich sött mini Gschicht doch mol an es paar Zitige schicke.
| |
verzell
| |
Als Uslandschwizer wirsch direkt im RIPOL usgschribe. Also au wennde alles richtig gmacht hesch und eifach d Bürokratie verseit het.
S paradoxe isch aber, dass ich e neui ID ha chöne bstelle, obwohl d Usschribig afaik erscht ez ufghobe worde isch. Also offesichtlich wird dr Pass i däm Fall nid gsperrt
|
[Dieser Beitrag wurde 2 mal editiert; zum letzten Mal von DeathCobra am 26.01.2017 20:04]
|
|
|
|
|
|
| Zitat von DeathCobra
S paradoxe isch aber, dass ich e neui ID ha chöne bstelle, obwohl d Usschribig afaik erscht ez ufghobe worde isch. Also offesichtlich wird dr Pass i däm Fall nid gsperrt
| |
Dr Pass und d ID isch jo au nid s gliche? Oder verpass ich do öpis?
|
|
|
|
|
|
|
Jo aber das wär scho chli schreg, wenn das unterschidlich ghandhabt würd.
/Ich hans jo über Konsulat lo mache, ich nime aa, das lauft denn au übere Bund. Aber ohni gewähr.
|
[Dieser Beitrag wurde 1 mal editiert; zum letzten Mal von DeathCobra am 31.01.2017 13:54]
|
|
|
|
|
|
| Zitat von Shooter
| Zitat von DeathCobra
S paradoxe isch aber, dass ich e neui ID ha chöne bstelle, obwohl d Usschribig afaik erscht ez ufghobe worde isch. Also offesichtlich wird dr Pass i däm Fall nid gsperrt
| |
Dr Pass und d ID isch jo au nid s gliche? Oder verpass ich do öpis?
| |
Jaein. Ids sind kantonal, pass bund. Usser du willsch beides denn macht de bund ales.
|
|
|
|
|
|
Thema: Politik ( Schneevölkchen und die sieben Bundeszwerge ) |