|
|
|
|
|
|
|
I hätts nit besser chönne formuliere, thx.
|
|
|
|
|
|
|
|
|
|
|
| | Zitat von Lunovis
es bestaht nunmal handligsbedarf.
und e bruefsarmee isch etz sicher mal die dümmscht lösig. zumindescht ich wott nöd e bandi us ghirnzersetzte waffenarre ha wo meined sie seged d bescht wos je hets gitz. da ischmer die hütig luschtlos truppe sogar na lieber. zumindescht hend die de gsundi menscheverstand nanig bim matfasse abgeh.
| |
naja d schwiez ganz ohni armee wirsch no langlanglang chöne vergesse. Aber es würd sicher viel Bürger geh wo würded go abstimme gah wo degege sind d armee ganz abschaffe. Ich bin mir sicher das mer sehr viel lüt chönt überzüge wenns e alternative wie e bruefsarmee würd geh.
|
|
|
|
|
|
|
|
|
|
|
| | Zitat von Shooter
| | Zitat von -Riddick-
was ich aber immernonig ganz begriffe han mit all dene initiative. Warum hend die Linke bi de usschaffigsinitiative unbedingt vergewaltiger und mörder welle beschütze das die im land chönd bliebe. Und warum wennd sie aber das mer die normale und ehrliche bürger entwaffnet?!
Die zämeheng gönd mir irgendwie nöd in chopf. Das macht mir irgendwie scho fascht biz sorge 
| |
also ehrlich, hör doch mol uf sone seich schriebe, das gits jo gar nid. isch dr toni brunner irgendwie din papi?
erschtens (mir jagts jetzt denn dr nuggi use bi soviel ignoranz). mörder und vergewaltiger chame scho mitem jetzige gsetz uswise, für das hätte mr kei neui gsetz bruucht (soviel zum thema "scheinsicherheit"). in basel isch voletscht en türk usgschaft worde willer im zug eine verprüglet het.
zweitens: die ehrliche bürger entwaffne? das isch doch dr gröscht schwachsinn, also mi wudnerets jo nid dass in dr schwiz so abgstimmt wird wenn jede dubel dä seich wo, vor allem d svp vo sich git, glaubt. jede, wonne waffe het und für das au en erwärbschin hätti kha, hätt sini waffe bhalte dörfe, und am soldat wird d waffe jo au nid wäg gno, si liegt halt eifach im züghus. und wasi an dere ganze situation am luschtigste find, isch d tatsach, dass d schwizer armee d soldate faktisch scho vor zwei joor entwaffnet het, nämlich dört wo alli händ müesse d munition abgäh. nur het dört niemer umeghühlt vo wäge eigeverantwortig und entwaffne und blablabla. soviel zum thema glaubwürdigkeit...
ächt jetzt, ich chas nid glaube wie me als einigermasse intelligänte mensch die lüge und polemik vo gwüsse herre in dr politik glaube schänke cha. das isch himmeltrurig. es längt in däm land anschinend, es plakat miteme kriminelle (meischtens usländer) ufstelle, irgend ä komischi falschussag (waffenmonopol für verbrecher, aha, und d polizei, und djäger, und d sportschütze, und d soldate? alles verbrächer?) drüber schriebe und alli sage "nei nei sicher nid das wömmer nid wenn me s volk entwaffnet isch ei tag spöter anarchie".
| |
herr shota, das isch e frag gsi vo mir und nöd e allgemeini ussag 
|
|
|
|
|
|
|
|
|
|
|
ällei drfür dass die frog ärnscht meinsch hätsch en chlapf verdient, wie ihr das in züri so träffend sage düend 
|
|
|
|
|
|
|
|
|
|
|
| | Zitat von -Riddick-
| | Zitat von Lunovis
es bestaht nunmal handligsbedarf.
und e bruefsarmee isch etz sicher mal die dümmscht lösig. zumindescht ich wott nöd e bandi us ghirnzersetzte waffenarre ha wo meined sie seged d bescht wos je hets gitz. da ischmer die hütig luschtlos truppe sogar na lieber. zumindescht hend die de gsundi menscheverstand nanig bim matfasse abgeh.
| |
naja d schwiez ganz ohni armee wirsch no langlanglang chöne vergesse. Aber es würd sicher viel Bürger geh wo würded go abstimme gah wo degege sind d armee ganz abschaffe. Ich bin mir sicher das mer sehr viel lüt chönt überzüge wenns e alternative wie e bruefsarmee würd geh.
| |
entweder hesch du zvill zit und/oder sehr beschränkti ahnig vo dem wod laberisch. i beidne fäll würdi zu sekundärquelle in sache politik näbet weltwuche und eidgenoss rate, aka zitige und magazin, wo ihri bricht au würklech recherchiered. (tagesanzeiger, nzz, bz, bund, letemps, nlz, blick oder au magazin wies geo, national geographic, magazin (gitz gratis zum tagi) oders nzz folio.
Vorteil:
Me sind da vor unqualifizierte Ussage verschont womme (leider) au vo gnueg Plakat ablese chan.
D Diskussion chan sich wieder sachpolitische Theme zuewende (wie, was gitz hüt znacht oder, weli farb hend dini underhose)
Ich mues nöd jedä satz vo dier zersch mal inhaltlich filtere bisi verstaa was demit chönntsch meine (lesen bildet den sprachbizeps oder so)
du würsch evtl dini meinig au chöne mit argument vertrete wo sichs lohnt drüber z diskutiere.
Nachteil:
evtl müestisch debi selber nadenke und e eigni meinig absitz vom christoph (tm) bilde.
btw: 
|
|
[Dieser Beitrag wurde 1 mal editiert; zum letzten Mal von Lunovis am 14.02.2011 20:05]
|
|
|
|
|
|
|
|
|
| | Zitat von Shooter
| | Zitat von just 4 fun
@darkimp: Was meinsch eigentli zu de neue Initiative vom Lukas Reimann? Er isch zwar en Riesetrottel, aber die tönt zumindescht ganz vernünftig.
Aber zersch müemer mal luege, öb da sini Chüngelizüchter ihn ned wieder zum Rückzug beweget
| |
das mit dr transparänz bezüglich näbemandat und so? findi guet, dr reimann isch doch nid sone dubel wie me ufrgund vo sinere parteizugehörigkeit dänke chönd.
au wenner im vorfäld vo de minarett initiative ä riese seich verzellt het, muesme doch sage, dass dä bueb wenigschtens dr schnid het, au mol öpis gege die allmächtigi parteifüehrig z initiere. tiptop. au wenni nid politisch uf glicher höchi bi wie dr lukas mues me glich sage, das isch eine wo sich wenigschtens no gedanke macht und nid eifach dumm d stammtischparole nochplapperet (guet, nid immer )
| |
Tönt für mich ächt no gschiid das ganze. Aber ja, ich würd säge, mir wartet da mal ab Wer weiss, was da no alles drin versteckt isch
Schlussändlich muess ich säge, wär ich eifach froh, wenn i üsere Politik wieder meh Sachpolitik betriebe würd. Vo allne Site. Es isch momentan ächt zum Chotze, wie all versuechet Wählerpünkt z'sammle (nur wer üs wählt isch für Demokratie etc.) Eifach öppis abstempfle ohni aluege, wil irgendwo en Partei dehinder stad (WAS DAS ISCH SVP, DAS GAD GAR NED! - WAS, DAS ISCH SP, DAS GAD GAR NED...), chani ned ha. Prinzipwähler sind die schlimmschte.
|
|
|
|
|
|
|
|
|
|
|
| | Zitat von just 4 fun
| | Zitat von Shooter
| | Zitat von just 4 fun
@darkimp: Was meinsch eigentli zu de neue Initiative vom Lukas Reimann? Er isch zwar en Riesetrottel, aber die tönt zumindescht ganz vernünftig.
Aber zersch müemer mal luege, öb da sini Chüngelizüchter ihn ned wieder zum Rückzug beweget
| |
das mit dr transparänz bezüglich näbemandat und so? findi guet, dr reimann isch doch nid sone dubel wie me ufrgund vo sinere parteizugehörigkeit dänke chönd.
au wenner im vorfäld vo de minarett initiative ä riese seich verzellt het, muesme doch sage, dass dä bueb wenigschtens dr schnid het, au mol öpis gege die allmächtigi parteifüehrig z initiere. tiptop. au wenni nid politisch uf glicher höchi bi wie dr lukas mues me glich sage, das isch eine wo sich wenigschtens no gedanke macht und nid eifach dumm d stammtischparole nochplapperet (guet, nid immer )
| |
Tönt für mich ächt no gschiid das ganze. Aber ja, ich würd säge, mir wartet da mal ab Wer weiss, was da no alles drin versteckt isch
Schlussändlich muess ich säge, wär ich eifach froh, wenn i üsere Politik wieder meh Sachpolitik betriebe würd. Vo allne Site. Es isch momentan ächt zum Chotze, wie all versuechet Wählerpünkt z'sammle (nur wer üs wählt isch für Demokratie etc.) Eifach öppis abstempfle ohni aluege, wil irgendwo en Partei dehinder stad (WAS DAS ISCH SVP, DAS GAD GAR NED! - WAS, DAS ISCH SP, DAS GAD GAR NED...), chani ned ha. Prinzipwähler sind die schlimmschte.
| |
lut de letschte 10 postings i dem thread gits da ine einigi wo glaub prinzipwähler sind. Ich bins nöd und wird blöd agmacht will mer e biz e kritischi frag stellt. Ich informier mich au nur ab und zue über irgendwelchi abstimmige, darum gang ich au eher selte go abstimme will ich scho sehr sicher sie muen was s richtige isch.
|
|
[Dieser Beitrag wurde 1 mal editiert; zum letzten Mal von -Riddick- am 14.02.2011 23:47]
|
|
|
|
|
|
|
|
|
| | Zitat von just 4 fun
Tönt für mich ächt no gschiid das ganze. Aber ja, ich würd säge, mir wartet da mal ab Wer weiss, was da no alles drin versteckt isch
Schlussändlich muess ich säge, wär ich eifach froh, wenn i üsere Politik wieder meh Sachpolitik betriebe würd. Vo allne Site. Es isch momentan ächt zum Chotze, wie all versuechet Wählerpünkt z'sammle (nur wer üs wählt isch für Demokratie etc.) Eifach öppis abstempfle ohni aluege, wil irgendwo en Partei dehinder stad (WAS DAS ISCH SVP, DAS GAD GAR NED! - WAS, DAS ISCH SP, DAS GAD GAR NED...), chani ned ha. Prinzipwähler sind die schlimmschte.
| |
jo, also das mitem reimann, die idee isch jo nid neu, die linke fordere das scho lang.
aber es isch halt wie du seisch, dr reimann mit sinere junge svp will transparänz betreffend de mandat, d juso will no en schritt witer go und völligi transparänz vo de parteigälder. das gseht im erschte momänt so us, als würds do ä allianz zwüsche jung svp und juso gä, und das wär zimlig awesome, will die beide minere meinig noch worhschinlich durchus die alte durerüttle chöntet.
aber.
wills dr juso zwenig wit got was dr reimann seit und wills em reimann viel z wit got was d juso seit mache sie jetzt halt doch widr jede s eigene ding
so wird das natürlich nüd, und das isch das was du asprichsch, die mangelndi kompetänz, kompromiss z schliesse, nur damit me die eigene prinzipie dureboxe cha (oder au nid)...
wahle wärdet spannend, wobi ich nonig weiss öbi widr sp wähle söll oder grüen. eigentlich wähli traditionel sp, aber die närve mi momentan echli. die grüene findi eigentlich super, die stönd wenigschtens für öpis i wo hand und füess het. dr räscht (svp und ihri usländer und sicherheitspolitik, me hört me jo nid vo dene, konstruktivi lösige sowieso nid) und d sp mit ihrer sozialismus romantik und ewig leidige EU-thematik channi nid ärnscht nä, das isch eifach kei konstruktivi politik. und d mitti parteie sind eimol so und eimol so aber irgendwie nie so wie ich das gärn will
d fdp isch mr zu bürgerlich und d cvp isch mr immer no suspäkt wäg däm C im name. abgseh drvo politisiere die irgendwie au immer an mir vrbi.
/das ganze het übrigens nüd mit prinzipie-wähle ztue, sondern drmit, dass mi s rechte lager halt würkli nid aspricht. das hanni in de letschte abstimmige halt widr gseh. minarett initiative, usschaffigsinitiative, alles sache wo mi halt überhaupt nid beträffe, und bi dr waffeinitiative het d svp halt widr mol ihres wohre gsicht zeigt, nämlig mit irgendwelche polemische parole irgend öpis ufebeschwöre (zum teil mit enorm dreischte lügene) nur um d initiative vo de linke z bodige. ich mein, das wo me do am schluss an gegeargumänt khört het, het mit allem z tue kha, nur nid mit der initiative an und für sich. das findi scho relativ hart, vor allem dass me mit sonere politik offebar genau ins härz vom volk trifft.
ich fänds schön wenn sich d parteie mol widr würde uf das besinne, was würklich wichtig isch, nämlich das wo herr und frau schweizer betrifft, und nid nur usländer und kriminelli.
grad in sache bildig und au sozial wärk, aber au bi de stüüre, chönd me wohrschinlich me mache.
|
|
[Dieser Beitrag wurde 1 mal editiert; zum letzten Mal von Shooter am 15.02.2011 8:22]
|
|
|
|
|
|
|
what shooter said!
|
Ich wird us dem Grund wahrschinli GLP iilegge. Die sind miner Meinig na en gsunde Mix zwüsched Mitti-linggs und grüen, ohni komischi Zwäng, wos eifach us Prinzip müend unterschtütze..
Zum Thema Wermuth/Reimann isch geschter im BlickaA es tolls Schtriitgschpräch gsi wome gmerkt het, dass de Reimann eifach Angscht het zuezgäh dass si Blocher-sponsoregälder z verstecke händ ;
Müssen Politiker ihre Einkünfte offenlegen?
W: Das wirkliche Problem sind die Parteispenden. Die fliessen in Millionen. Und da macht deine Initiative einen Bogen drum.
R: Von wem sich die Politiker direkt bezahlen lassen, wirkt sich direkt auf die Entscheide aus. Parteispenden nicht.
W. Wir sind die einzige Partei, die ihre Finanzen offenlegt. Deine Initiative verhindert eine echte Transparenz.
R. Das Volk will wissen, von wem sich Politiker direkt bezahlen und beeinflussen lassen.
W. Ihr unterstützt das, was euch nicht wehtut. Deine Initiative ist ein Schnellschuss.
R. Denen, die etwas zu verstecken haben, tut sie weh.
W. Die SVP versucht mit deiner Initiative die Debatte um die Parteispenden zu verhindern.
R. Ich wünsche mir, Ihr hättet mehr Spenden. Dann sehen alle Leute, was im SP-Programm steht: EU-Beitritt, Kapital-Überwindung etc.
W. Ich mache einen Vorschlag. Wir beweisen, dass wir es mit der Transparenz ernst meinen, indem wir unsere Steuererklärungen offenlegen.
R. Einverstanden, ich lege meine Steuererklärung gerne offen.
W. Gut. Und jetzt ergänzt du den Initiativtext noch um die Parteispenden.
R. Wenn jeder Spender registriert wird, fallen Spenden weg.
W. Es geht um die Millionen aus den Chefetagen, nicht um Kleinspender.
R. Ums Lebendige gehts bei den gekauften Politikern, die beruflich Lobbyisten sind.
W. Du meinst wie dein Parteifreund Alex Kuprecht, der für die Basler Versicherungen im Ständerat sitzt?
R. Jeder Politiker, der nichts zu verbergen hat, muss die Initiative unterstützen. Danke für deine Unterschrift!
|
|
|
|
|
|
|
|
|
|
|
wiener jeder frog gekonnt (mehr oder weniger) uswicht
als chönnte parteie kei lobby-politik betriebe.
|
|
|
|
|
|
|
|
|
|
|
| | Zitat von Lunovis
zitige und magazin, wo ihri bricht au würklech recherchiered. (tagesanzeiger, nzz, bz, bund, letemps, nlz, blick oder au magazin wies geo, national geographic, magazin (gitz gratis zum tagi) oders nzz folio.
| |
ehm...recherchiere isch immer relativ.
han im tagi mal en siitige artikel über es thema gläse wo ich beschtens drüber informiert gsi bin, aber nöd grad alltägliche journalischtekram gsi isch. i dem artikel isch eifach vo a-z bullshit drin gstande. am nöchschte tag hani de tagi abbschtellt.
also wärs ev. sinnvoll au das z hinterfröge womer usere vermeintlich guet recherchierte quälle het. tragisch aber wahr, dass d wältwuche, womer ja scho gschteiniget wird wämmer erwähnt dassmer sich det die interessante artikel usepickt, zäme mit de nzz de wohl beschtrecherchierti journalismus vo de schwiiz isch. mal abgseh vo gwüsse iischlägig bekannte autore wo garnöd recherchiered
|
|
|
|
|
|
|
|
|
|
|
d nzz isch aber würkli no die einzig zytig in dr schwiiz wo me nid nur d bildli aluegt. und die gits sogar in dr mitti in basel (sone linksalternativi studäntebude!).
ich würd jetzt aber ä zytig nid grad abbstelle, nur will si eimol bullshit schriebt. es isch jo so wie überall, zytig läse isch guet und rächt, aber die eigeni meinig mues me sich trotzdäm sälber bilde und dorum alles mit vorsicht gniesse.
zu dr wältwuche hanni es traumatisierts verhältnis, letschtens isch mr widr mol eini zwüsche d finger cho, und jede artikel wonni ha afoh läse het entweder mit "die svp" oder "die linken" agfange. so öpis mues würkli nid si
ich has mindestens versuecht.
|
|
|
|
|
|
|
|
|
|
|
tagi isch au susch scheisse worde und zudem staht ja alles im interwebz
wältwuche läse nur gewusst wie. immer ide mitti afange und zum schluss no de humorteil am afang...
|
|
|
|
|
|
|
|
|
|
|
ich ha se querbeet gläse 
villicht ischs au eifach ä unglücklichi ussag gsi. aber ich mues sage, ich mag dr stil eifach nid. dass in däm land nid alles rosarot isch weissi au so, und nur dauernd das geschimpfe z läse mues mr au nid atue.
|
|
|
|
|
|
|
|
|
|
|
|
s trrurige ade wälwuche isch, dass si würkli gueti autore und artikel het, aber de innepolitisch teil isch zum kotze.
|
|
[Dieser Beitrag wurde 1 mal editiert; zum letzten Mal von DrKrabbe am 15.02.2011 16:10]
|
|
|
|
|
|
|
|
|
| | Zitat von DrKrabbe
| | Zitat von Lunovis
zitige und magazin, wo ihri bricht au würklech recherchiered. (tagesanzeiger, nzz, bz, bund, letemps, nlz, blick oder au magazin wies geo, national geographic, magazin (gitz gratis zum tagi) oders nzz folio.
| |
ehm...recherchiere isch immer relativ.
han im tagi mal en siitige artikel über es thema gläse wo ich beschtens drüber informiert gsi bin, aber nöd grad alltägliche journalischtekram gsi isch. i dem artikel isch eifach vo a-z bullshit drin gstande. am nöchschte tag hani de tagi abbschtellt.
also wärs ev. sinnvoll au das z hinterfröge womer usere vermeintlich guet recherchierte quälle het. tragisch aber wahr, dass d wältwuche, womer ja scho gschteiniget wird wämmer erwähnt dassmer sich det die interessante artikel usepickt, zäme mit de nzz de wohl beschtrecherchierti journalismus vo de schwiiz isch. mal abgseh vo gwüsse iischlägig bekannte autore wo garnöd recherchiered
| |
dass de qualitativ journalismus am lide isch, betrifft leider fasch all zitige. und was tamedia i letschter zit tribe hett isch au nöd grad s gelbe vom ei. aber wies du scho agsproche hesch: hüt luegt de herr und die dame von welt schnell im internet na wases denn neus vom reutersfilter git und fertig. die meischte sind gar nümm bereit, geld für e zitig uszgää und wenn die tendenz witergat, denn hends sogar recht demit.
Zitige drucked letschten endes hald au nume ab, was ine vo irne lüüt vorgleit wird. wenn das en schlächte, unrecherchierte artikel isch nume das de autor wieder sini 4000 wörter abgliferet hettm de sött dem typ hald mal eis ufd finger gä werde. aber das gat au nume, wenn d leserschaft e qualitätsrückmeldig git (siehe: leserbriefe an die redaktion).
das mitem aboabbstelle isch ja schön und guet, wenn aber nur weg dem eine vorfall gsi isch chanis nöd ganz verstaa.
|
|
|
|
|
|
|
|
|
|
|
| | Zitat von Shooter
wahle wärdet spannend, wobi ich nonig weiss öbi widr sp wähle söll oder grüen. eigentlich wähli traditionel sp, aber die närve mi momentan echli. die grüene findi eigentlich super, die stönd wenigschtens für öpis i wo hand und füess het. dr räscht (svp und ihri usländer und sicherheitspolitik, me hört me jo nid vo dene, konstruktivi lösige sowieso nid) und d sp mit ihrer sozialismus romantik und ewig leidige EU-thematik channi nid ärnscht nä, das isch eifach kei konstruktivi politik. und d mitti parteie sind eimol so und eimol so aber irgendwie nie so wie ich das gärn will
d fdp isch mr zu bürgerlich und d cvp isch mr immer no suspäkt wäg däm C im name. abgseh drvo politisiere die irgendwie au immer an mir vrbi.
/das ganze het übrigens nüd mit prinzipie-wähle ztue, sondern drmit, dass mi s rechte lager halt würkli nid aspricht. das hanni in de letschte abstimmige halt widr gseh. minarett initiative, usschaffigsinitiative, alles sache wo mi halt überhaupt nid beträffe, und bi dr waffeinitiative het d svp halt widr mol ihres wohre gsicht zeigt, nämlig mit irgendwelche polemische parole irgend öpis ufebeschwöre (zum teil mit enorm dreischte lügene) nur um d initiative vo de linke z bodige. ich mein, das wo me do am schluss an gegeargumänt khört het, het mit allem z tue kha, nur nid mit der initiative an und für sich. das findi scho relativ hart, vor allem dass me mit sonere politik offebar genau ins härz vom volk trifft.
ich fänds schön wenn sich d parteie mol widr würde uf das besinne, was würklich wichtig isch, nämlich das wo herr und frau schweizer betrifft, und nid nur usländer und kriminelli.
grad in sache bildig und au sozial wärk, aber au bi de stüüre, chönd me wohrschinlich me mache.
| |
ich wüsst au nöd wasi wähle würd, die linke und die grüene chani nöd wähle da sie aktiv min bruef "kaputt" mached und das nur weg de verkehrspolitik in züri. Es isch isch echt unerträglich wenn mer vo gwüsse lüt ghört das sie 200-300CHF buesse im monat in chauf nehmet nur um schaffe zchöne. Und all die ziet wo verlore gaht weg stau und parkplatzmangel.
Aber recht häsch, anderi theme wäred wahrschinlich wichtiger 
|
|
[Dieser Beitrag wurde 1 mal editiert; zum letzten Mal von -Riddick- am 15.02.2011 17:40]
|
|
|
|
|
|
|
|
|
| | Zitat von Lunovis
wases denn neus vom reutersfilter git
| |
so negativ isch das nöd...meinigsgfärbti artikel sind eigentlich fasch immer zu bunt.
/boah riddick du bisch echt e plag hesch s gfühl es wird besser wämmer bi allne strasse d spure verdopplet und d parkplätz verdrüüfacht und am beschte no gratis macht? manmanman ich han eifach zvill knowhow für so laie-diskussione 
|
|
[Dieser Beitrag wurde 1 mal editiert; zum letzten Mal von DrKrabbe am 16.02.2011 1:07]
|
|
|
|
|
|
|
|
|
De Kommentar hüt im Tagi hani guet gfunde: Link
Das isch äbe au so öppis: Es gad immer meh vergässe, dass inere Demokratie jede sis Recht uf die eignig Meinig hed. Aber momentan spricht jede amene Andersdenkende s'Rächt uf die Asicht ab, wil denn isch er ned für d'Schwiiz und für d'Demokratie. Üses Land isch ned so wiit cho, wilmer immer nur i ei Richtig dänkt hend.
|
|
|
|
|
|
|
|
|
|
|
hm, ich gang mit däm kommentar nid zwingend einig.
klar, me mues en demokratische entscheid akzeptiere, das heisst aber nid dass me dä auf guet finde mues (aber das seisch jo sälber). wobi resignation natürlich dr falsch wäg isch, aber ich bezwifle, dass öper wo ä abstimmig verliert und denn im frust seit "so gangi nümm go stimme" bim nöggschte mol tatsächlich nümm an dr urne stoht.
was mi aber bi dere ganze diskussion, grad jetzt au nach dr waffeinitiative eher ufregt, isch s bild wome het vom städter und vom ländler. dr städter wird immer als modärne, duregstylte, wältfremde mensch a gluegt wo in sinere loft oder maisonette wohnig wohnt und hoch obe über dä dächer champagner schlürfend oder im gstylte vegie-restaurant türs bio ässe frisst dargstellt, und är het jo ä kei ahnig wie sich dr bauarbeiter fühlt wo als guet bürgerliche bürger täglich 10h schafft und weiss wases heisst für d existänz z chrampfe müesse. und über die büezer lacht är denn, will die sind jo eh ungebildet.
und dorum wählt d stadt rot grüen.
d realität gseht notabene anders us. die wenigschte lüt, zumindest die wo ich kenn, wo in dr stadt wohne entspräche däm bild. d landbevölkerig het kei monopol uf dr stand vom arme mittelmass, im gegeteil. d kriminalität in dä städt isch grösser, dr usländer ateil au, dr konkuränzdruck durch billigi arbeitskräft usem usland isch in dr stadt im büro genau glich gross wie ufem land durch d saisoniers, au dr städter mues schaffe, und meischtens channer sich mit sim ikomme in dr stadt ä wohnig leischte, wo me mitem gliche gäld ufem land ä doppelt so grossi wohnig chönnti ha.
es isch wohl in dä wenigschte fäll so, dass me in dr stadt wohnt will me die grossstadt romatik gärn het, sondern eher, will me wägem arbeitsplatz weniger d wahl het. au d agglo-gmeinde sind zum teil sacke teuer (no höcheri prise als in dr stadt), das gsehni bi mir sälber. das isch halt in däm kommentar eifach ä falschussag.
jä, me cha sage, d städter sige arrogant, wenn si d ländler als hinterwäldler bezeichne. das stimmt au.
es isch aber nid minder arrogant vo de landbevölkerig, wenn sie für sich sälber bhauptet, nur si sige ächtig schwyzer wo no traditionelle wärt düend pflege und am städter d identifikation mit dr schwyz abspräche.
und wo mr grad bi traditione sind, was isch mit dr tradition vo dr humanitäre schwyz? wär duet s erb vom henri dufour pfläge? wär duet s erb pfläge, wonach d schwiz neutral isch und sich kriegerische handlige verwehrt? inere globalisierte wält, und das isch si hützutag halt eifach, öbs eim passt oder nid, chame neutralität nid pfläge, in dem me sich verschliesst, sondern mues me d neutralität pfläge, in däm me gueti beziehige zum usland ufrächt erhaltet. es isch die allgemein sehr arroganti schwizerischi art, wonach die ganz wält uf d schwiz agwiese isch und nid d schwiz uf d wält.
aber zruck zum thema, es stimmt, dass me d landbevölkerig respektiere mues. es stimmt aber nid, dass ufem land nur bürgerlichi läbe. und es stimmt au nid, dass d agglo gmeinde eher ländlich und nid städtisch igstellt sind. in basel zum bispil ischs krasse gegeteil dr fall, d agglogmeinde vo basel-land stimme fascht immer glich wie dr stadtkanton und nid wie die räschtliche gmeinde im baselbiet.
s problem wo ich gseh, isch, dass me respektiere mues, dass s läbe ufem land anderi aforderige stellt als in dr stadt, dorum wirds immer en knatsch gä zwüsche stadt und land, und do dörf me sich nid drüber wundere. ich dörf über dr ländler flueche wenner anders stimmt als ich, aber es isch klar, dass d verhältnis au ander sind.
bispiel waffeinitiative (jetzt wirds klischeehaft). ufem land isch d waffe es mittel, wome brucht zum ans schützefescht z goh, me got chli go schiesse, trifft sich, suft eine, trifft sich, knüpft soziali kontäkt, oft au, will sonige aläss die einzig möglichkeit zur unterhaltig sind. s gwehr als bewahrer vom soziale umfäld.
in dr stadt ischs umgekehrt. in dr stadt gits keine schützefescht wo d lüt zämechöme, in dr stadt hogge d lüt immer ufeander obe, soziale kontäkt got me zum teil bewusst usem wäg, damit me wenigschtens es bitzeli sini rueh het. in dr stadt ischs gwehr im hushalt nid öpis wo eim mitem nochber verbindet, sondern ä umstand, wo drfür sorgt, dass imene wohnblock unter umständ jedi familie bewaffnet isch, wobi me gwüssi vo dene evtl gar nid kennt, gwüssi närve eim. s vertraue isch nid grundsätzlich gäh, d waffe wird als reins gfohrepotential agluegt.
und genau in däm punkt hilft mir d meinig vom land halt genau nüd. und dene ufem land hilft d meinig vo dr stadt genauso wenig. das isch es problem, wome sich mues bewusst si, und in mine auge au es problem vonere direkte, bundeswite demokratie. vor allem, wenn d sensibilität für die anderi site nid vorhande isch.
bispil minarett initiative. do stimme irgendwelche ländler über öpis ab, wo si evtl gar nie z gsicht bechöme. dene isches egal, öb d usländer vore kopf gstosse wärde, will si unter umstände eh nur eine oder zwei im dorf händ. dene isches egal, für die änderet sich eh nüd.
die in dr stadt müend denn am muslimische arbeitskolleg erkläre, worum das me jetzt minarett verbietet, obwohls doch praktisch gar keini git.
|
|
|
|
|
|
|
|
|
|
|
luschtigs bispiel am rand. in baselland isch abgstimmt worde, öb dr land kanton am stadt kanton gäld fürs theater git. d agglo gmeinde händ jo gseit, d land gmeinde händ nei gseit, es isch abglehnt worde.
s beschte dra isch, s meischte gäld wo baselland als kanton ihnimt chunt vo de agglo gmeinde, mit däm gäld wärde unter anderem d land gmeinde mitfinanziert (finanzusglich) sowie au gwüsse gmeinsami projekt mit dr stadt...
|
|
[Dieser Beitrag wurde 1 mal editiert; zum letzten Mal von Shooter am 17.02.2011 9:58]
|
|
|
|
|
|
|
|
|
| | Zitat von Shooter
s problem wo ich gseh, isch, dass me respektiere mues, dass s läbe ufem land anderi aforderige stellt als in dr stadt, dorum wirds immer en knatsch gä zwüsche stadt und land, und do dörf me sich nid drüber wundere. ich dörf über dr ländler flueche wenner anders stimmt als ich, aber es isch klar, dass d verhältnis au ander sind.
bispiel waffeinitiative (jetzt wirds klischeehaft). ufem land isch d waffe es mittel, wome brucht zum ans schützefescht z goh, me got chli go schiesse, trifft sich, suft eine, trifft sich, knüpft soziali kontäkt, oft au, will sonige aläss die einzig möglichkeit zur unterhaltig sind. s gwehr als bewahrer vom soziale umfäld.
in dr stadt ischs umgekehrt. in dr stadt gits keine schützefescht wo d lüt zämechöme, in dr stadt hogge d lüt immer ufeander obe, soziale kontäkt got me zum teil bewusst usem wäg, damit me wenigschtens es bitzeli sini rueh het. in dr stadt ischs gwehr im hushalt nid öpis wo eim mitem nochber verbindet, sondern ä umstand, wo drfür sorgt, dass imene wohnblock unter umständ jedi familie bewaffnet isch, wobi me gwüssi vo dene evtl gar nid kennt, gwüssi närve eim. s vertraue isch nid grundsätzlich gäh, d waffe wird als reins gfohrepotential agluegt.
und genau in däm punkt hilft mir d meinig vom land halt genau nüd. und dene ufem land hilft d meinig vo dr stadt genauso wenig. das isch es problem, wome sich mues bewusst si, und in mine auge au es problem vonere direkte, bundeswite demokratie. vor allem, wenn d sensibilität für die anderi site nid vorhande isch.
| |
sbeschte woni über die Abstimmig und das Resultat gläse han.
|
|
|
|
|
|
|
|
|
|
|
|
s problem isch halt, dass me, au wenn me ä abstimmig gwinnt, nid sage dörf, "s volk het so entschiede", sondern sich bewusst mues si, dass zwar ä mehrheit entschiede het, aber dass es trotzdem no ä minderheit git, wo halt glich au berücktsichtigt wärde mues. ä demokratie dörf nid ä diktatur vo dr mehrheit si.
|
|
|
|
|
|
|
|
|
|
|
|
Wobi jo bi knappe Abstimmige oft nachär no Kompromiss gmacht werded. Siehe Biometrie-Pass, womer die zentrali Datebank siloh het.
|
|
|
|
|
|
|
|
|
|
|
jo, und das isch jo au genau das, wo ich persönlich an dr schwizer demokratie so schätz. ä abstimmig isch nid vrbi wenn d urne gschlosse wärde, die richtig arbeit foht denn erscht ah.
aber es chunnt halt, nach mim gfühl, in letschter zyt immer widr vor, dass me vo dr gwünner site (egal ob links oder rächts) immer zhöre griegt "s volk het entschiede, find di drmit ab, dr zug isch abgfahre". das stimmt halt nur bedingt. und wenn denn s parlament zämme chunt und das ganze usarbeitet, denn heisst "was mache die denn do scho widr, mir händ doch abgstimmt". so eifach ischs halt nur in de wenigschte fäll.
|
|
|
|
|
|
|
|
|
|
| | Zitat von Shooter
me got chli go schiesse, trifft sich
| |
lol
|
|
|
|
|
|
|
|
|
|
|
|
|
|
|
|
| | Zitat von Shooter
hm, ich gang mit däm kommentar nid zwingend einig.
klar, me mues en demokratische entscheid akzeptiere, das heisst aber nid dass me dä auf guet finde mues (aber das seisch jo sälber). wobi resignation natürlich dr falsch wäg isch, aber ich bezwifle, dass öper wo ä abstimmig verliert und denn im frust seit "so gangi nümm go stimme" bim nöggschte mol tatsächlich nümm an dr urne stoht.
was mi aber bi dere ganze diskussion, grad jetzt au nach dr waffeinitiative eher ufregt, isch s bild wome het vom städter und vom ländler. dr städter wird immer als modärne, duregstylte, wältfremde mensch a gluegt wo in sinere loft oder maisonette wohnig wohnt und hoch obe über dä dächer champagner schlürfend oder im gstylte vegie-restaurant türs bio ässe frisst dargstellt, und är het jo ä kei ahnig wie sich dr bauarbeiter fühlt wo als guet bürgerliche bürger täglich 10h schafft und weiss wases heisst für d existänz z chrampfe müesse. und über die büezer lacht är denn, will die sind jo eh ungebildet.
und dorum wählt d stadt rot grüen.
d realität gseht notabene anders us. die wenigschte lüt, zumindest die wo ich kenn, wo in dr stadt wohne entspräche däm bild. d landbevölkerig het kei monopol uf dr stand vom arme mittelmass, im gegeteil. d kriminalität in dä städt isch grösser, dr usländer ateil au, dr konkuränzdruck durch billigi arbeitskräft usem usland isch in dr stadt im büro genau glich gross wie ufem land durch d saisoniers, au dr städter mues schaffe, und meischtens channer sich mit sim ikomme in dr stadt ä wohnig leischte, wo me mitem gliche gäld ufem land ä doppelt so grossi wohnig chönnti ha.
es isch wohl in dä wenigschte fäll so, dass me in dr stadt wohnt will me die grossstadt romatik gärn het, sondern eher, will me wägem arbeitsplatz weniger d wahl het. au d agglo-gmeinde sind zum teil sacke teuer (no höcheri prise als in dr stadt), das gsehni bi mir sälber. das isch halt in däm kommentar eifach ä falschussag.
jä, me cha sage, d städter sige arrogant, wenn si d ländler als hinterwäldler bezeichne. das stimmt au.
es isch aber nid minder arrogant vo de landbevölkerig, wenn sie für sich sälber bhauptet, nur si sige ächtig schwyzer wo no traditionelle wärt düend pflege und am städter d identifikation mit dr schwyz abspräche.
und wo mr grad bi traditione sind, was isch mit dr tradition vo dr humanitäre schwyz? wär duet s erb vom henri dufour pfläge? wär duet s erb pfläge, wonach d schwiz neutral isch und sich kriegerische handlige verwehrt? inere globalisierte wält, und das isch si hützutag halt eifach, öbs eim passt oder nid, chame neutralität nid pfläge, in dem me sich verschliesst, sondern mues me d neutralität pfläge, in däm me gueti beziehige zum usland ufrächt erhaltet. es isch die allgemein sehr arroganti schwizerischi art, wonach die ganz wält uf d schwiz agwiese isch und nid d schwiz uf d wält.
aber zruck zum thema, es stimmt, dass me d landbevölkerig respektiere mues. es stimmt aber nid, dass ufem land nur bürgerlichi läbe. und es stimmt au nid, dass d agglo gmeinde eher ländlich und nid städtisch igstellt sind. in basel zum bispil ischs krasse gegeteil dr fall, d agglogmeinde vo basel-land stimme fascht immer glich wie dr stadtkanton und nid wie die räschtliche gmeinde im baselbiet.
s problem wo ich gseh, isch, dass me respektiere mues, dass s läbe ufem land anderi aforderige stellt als in dr stadt, dorum wirds immer en knatsch gä zwüsche stadt und land, und do dörf me sich nid drüber wundere. ich dörf über dr ländler flueche wenner anders stimmt als ich, aber es isch klar, dass d verhältnis au ander sind.
bispiel waffeinitiative (jetzt wirds klischeehaft). ufem land isch d waffe es mittel, wome brucht zum ans schützefescht z goh, me got chli go schiesse, trifft sich, suft eine, trifft sich, knüpft soziali kontäkt, oft au, will sonige aläss die einzig möglichkeit zur unterhaltig sind. s gwehr als bewahrer vom soziale umfäld.
in dr stadt ischs umgekehrt. in dr stadt gits keine schützefescht wo d lüt zämechöme, in dr stadt hogge d lüt immer ufeander obe, soziale kontäkt got me zum teil bewusst usem wäg, damit me wenigschtens es bitzeli sini rueh het. in dr stadt ischs gwehr im hushalt nid öpis wo eim mitem nochber verbindet, sondern ä umstand, wo drfür sorgt, dass imene wohnblock unter umständ jedi familie bewaffnet isch, wobi me gwüssi vo dene evtl gar nid kennt, gwüssi närve eim. s vertraue isch nid grundsätzlich gäh, d waffe wird als reins gfohrepotential agluegt.
und genau in däm punkt hilft mir d meinig vom land halt genau nüd. und dene ufem land hilft d meinig vo dr stadt genauso wenig. das isch es problem, wome sich mues bewusst si, und in mine auge au es problem vonere direkte, bundeswite demokratie. vor allem, wenn d sensibilität für die anderi site nid vorhande isch.
bispil minarett initiative. do stimme irgendwelche ländler über öpis ab, wo si evtl gar nie z gsicht bechöme. dene isches egal, öb d usländer vore kopf gstosse wärde, will si unter umstände eh nur eine oder zwei im dorf händ. dene isches egal, für die änderet sich eh nüd.
die in dr stadt müend denn am muslimische arbeitskolleg erkläre, worum das me jetzt minarett verbietet, obwohls doch praktisch gar keini git.
| |
Nächschti Nationalratswahle:
--------------
| Shooter |
--------------
E:
|
|
[Dieser Beitrag wurde 1 mal editiert; zum letzten Mal von Köbi am 17.02.2011 12:37]
|
|
|
|
|
|
|
|
|
Lischte! Dä Shooter brucht e Lischte!
Jede mag Lischte \o/
|
|
|
|
|
|
|
|
|
|
|
nei danke, das isch mr zviel arbeit
dr ganz daag im bundeshuus hogge und dr blick läse :/
|
|
|
|
|
|
|
|
| Thema: Politik ( Schneevölkchen und die sieben Bundeszwerge ) |
|
