|
|
|
|
|
|
Zerschmol vorweg: I bi scho immer en grosse Fan vo öffentliche Verkehrsmittel gsi. Und i hoffs au wiiterhin z bliibe. I fahr scho sit bald 7 Johr tagtäglich die glich Strecki, Heerbrugg - Buchs SG, und wieder retour. Für die wo nöd wüssed wo da liit, es isch im Rhintal, ganz im Oschte, Öschtriich quasi und do demit uf de Hauptverbindigsstrecki St.Galle - Chur.
Zude Regionale begebeheite: Heerbrugg und Umgebig (Heerbrugg Stadt, wieni immerno hoff dases eines Tages gnennt wird, aber da isch es anders Thema) isch en Industriestandort (Leica, SFS und anderi grössere Firmene) mitere Kantonsschuel (Gymi). Buchs SG gilt als Stadt (>10'000 Iiwohner) und beherbergt ebefalls einiges an Industrie (Fluka, Pago) und zu allem no e Bruefsschuel und e Fachhochschuel. Zuesätzlich isches au no s "Tor in Oschte" mit direkte Verbindige noch Wien, Zagreb, Budapest und Belgrad. Umgekehrt natürlich dasselbe (Züri, Basel). Zwüschet dene beidne "Städt" (wör Heerbrugg mit allne anderne aagwachsne Gmeinde fusioniere, wär's die zwot- oder drittgröscht Stadt im Kanton SG) liit denn sogär nomol e Stadt (Altstätte). Noch Buchs richtig Chur folgt nomol e Kantonsschuel in Sargans. Um ez zude beidne Extreme z cho, Chur und St.Galle hend ebefalls Industrie, Bruefsschuele, Fachhochschuele, Universitäte etc. pp.
Do isch also einiges los! Entsprechend bsetzt sind au die Züg. Leider kenni nöd die gnaue Durchsatzzahle, wär aber mol usezfinde.
Grundsätzlich het sich ide letschte 7 Johr nöd vil gänderet. D Züg fahred prizipiell i die richtig Richtig und döt wome anewill chunt me früehner oder spöter au ah.
Trotzdem hets mer hüt Morge de Schütz useghaue und i will ez eifach mol echli Luft mache zu dem Thema, wo jo au meh oder weniger desöfteren ide Medie präsent isch.
Wo fömmer ah?
Infrastruktur! Ei regionals Problem isch de sumpfige Bode (dur de Rhii verursacht). Zwüschet Altstätte und Buchs cha nu ei Gleis gführt werde, warum au immer. Da führt dezue, dass pro Stund nu ein Zug fahre chan. Eine ufe und denn aaschlüssend eine abe, je ca 20min Fahrtziit. Naja, die versprocheni zwogleisigi Bahnfüehrig isch scho lang versproche wora, aber cho isch no nie was.
En wiitere Punkt ischs Rollmaterial. Alti verlottereti Züg stönd bi üs umenand. D Heizige/Klimaaalage tönd sitme Johr nüme würkli zueverlässig. Wie hüt morge zum Bispil. Bi null Temperature im Zug, het nuno gfählt, das me stoh het möse. I zahle zwor füre zweit Klass Billet, demnoch erwarti au Zweit Klass Service und en gheizte Sitzplatz ghört ez minere Meinig noch zum Minimum wo erfüllt sött si! Angeblich sötted bald neui doppelstöckigi Wäge cho, mol luege wa hinder dere Gschicht steckt.
(dezue chunt, dasi mengmol s Gfühl han, dass s Rhintl au s personelli Abstellgleis vode SBB isch, wenn me dene mol is Gsicht lueget stoht gschribe "I will nöd do sii!")
Perfekti Überleitig is nögste Thema: "zahle". Es Oschtwindabo vo Dihei zur Arbetsstell + FL choschtet öppe 1150CHF. Fun fact: sit i nüme zrugg fahr mitm Zug, sondern mitm Schuelkolleg, lohnt sich das gär nüme. Uf, i chum öppe ebe us. Und uf de Fahrplanwechsel i guet zwo Wuche, werded d Priise wohl wieder stiige (ha mol e zahl vo 8% ghört). Sogär s Halbtax-Abo. Die grosse Tön vom zweite Quartal, vo wäge "mer werded Priise ufgrund vode Wirtschaftskrise nöd erhöhe", sind wohl nöd meh als heissi Luft gsi. Sie reklamiered, sie bruched Geld für eri Infrastruktur und fanged a bide Informatik(wtf?) iispare. Und glich redet me vo Rekordumsätz. (vgl. Konzerngwünn 2008: 345 Mio. und 2007: 80.4 Mio. - Quelle: http://mct.sbb.ch/mct/konzern_kennzahlen )
Regelmässigi Wartige vo Infrastruktur guet und recht. Erneuerig vom Rollmaterial: Go for it! Aber ez uf zmol derbste Mimimi? The fuck?
D SBB schint sich ufzfüehre wiene Privatgsellschaft (wie d RUAG übrigens au, aber da Thema wör ez gad echli de Rahme sprenge) und sie macht eri Priise wie si will, wel sie schlichtweg s Monopol ufs Schinenetz het. Mi dunkts en sehr interessante Diskussionspunkt zum drüber sinniere, ob sie eres Geld richtig iisetzt und obd Fahrpriise bzw. die Staatliche Subventione("Subvention für Betrieb, Substanzerhaltung und Bauinvestitionen (2007–2010): 5,88 Milliarden Franken" Wiki-Quote) grechtfertiget sind.
I weiss ez aber nöd, ob da e gsamtschwiizerisches Problem isch, oder nu im Loch vome Rhintal (betreffend Infrastruktur). D Situation isch aber uf de Strecki Solothurn-Züri ganz ähnlich gsi, woni döt gfahre bin. I weiss, dass mer weniger Personeverkehr (höhö, "Verkehr") hend als ez in Züri oder [RANDOM GROSSSTADT], aber d Problem dürfted wohl die ähnliche sii.
So, puuuh. Da tuet guet. 
Ich selber bi abhängig vom ÖV und i fahr au sus gern zug, weni wo he gang. Isch halt doof, zum amigs wieder hei cho, je noch Wuchetag, etc. Aber da isch halt es Übel wo me uf sich neh muas. Aber die ständig stiigende Priise und de schlechter werdende Service lönd eim doch langsam überlege.
Vorweg verbüüti i dem Thread übrigens:
- Blödi Aafiggereie bezüglich Autofahrprüefig 
- "olol, Rhintal isch scheisse" Posts (I weiss es selber)
- Kirchtürm
|
|
|
|
|
|
|
|
|
|
|
du erwartisch etz nöd, das ich das ales durelis oder?
olol, rhitalerisch.... tuet das nöd weh wemmes de ganz tag ghört?
|
|
[Dieser Beitrag wurde 1 mal editiert; zum letzten Mal von Lunovis am 01.12.2009 11:34]
|
|
|
|
|
|
|
|
hehe 
|
|
|
|
|
|
|
|
|
|
|
tl;dr im ch forum? 
|
|
|
|
|
|
|
|
|
|
|
I h8 u.
|
|
|
|
|
|
|
|
|
|
|
|
|
|
|
|
|
| | Zitat von [CH]Swift
tl;dr im ch forum?
| |
hads gliche denkt, und denn no vore Randregion 
|
|
|
|
|
|
|
|
|
|
|
| | Zitat von Kif
Rhintal, ganz im Oschte | |
da hani ufghört läse.
|
|
|
|
|
|
|
|
|
|
|
| | Zitat von Kif
D Situation isch aber uf de Strecki Solothurn-Züri ganz ähnlich gsi, woni döt gfahre bin. I weiss, dass mer weniger Personeverkehr (höhö, "Verkehr") hend als ez in Züri oder [RANDOM GROSSSTADT], aber d Problem dürfted wohl die ähnliche sii.
| |
öh? 
|
|
|
|
|
|
|
|
|
|
|
lern doch mol autofahre
| | Zitat von Kif
Infrastruktur! Ei regionals Problem isch de sumpfige Bode (dur de Rhii verursacht). Zwüschet Altstätte und Buchs cha nu ei Gleis gführt werde, warum au immer. Da führt dezue, dass pro Stund nu ein Zug fahre chan. Eine ufe und denn aaschlüssend eine abe, je ca 20min Fahrtziit. Naja, die versprocheni zwogleisigi Bahnfüehrig isch scho lang versproche wora, aber cho isch no nie was.
| |
da mit em 2 gleisige usbau isch im plan .... so 2012 oder 15  . aber es isch fix im sbb budget
interessant isch halt wie die usbauplän usgsehnd bzw s budget verteilt wird. do isch gad huet i de nzz en artikel(leider nu analog) drüber gsi mitere karte fu de schwiz druf mit de "projekt"... grossteil eifach um züri ume bzw. städt im allgemeine und halt üsseri tunnel
aber srhintl wird sicher noed de einzig fu de sbb vernochlässigt ort i de schwiz si
|
|
[Dieser Beitrag wurde 1 mal editiert; zum letzten Mal von Strich am 01.12.2009 18:59]
|
|
|
|
|
|
|
|
|
mimimi.
ÖV isch scho immer scheisse gsi, ob regional-, noch- oder färnverkehr. Und d SBB brucht halt au gäld, d Speditione spare, s güetertransportgschäft lauft schlächt - andersits isch es chaos ufde stroose und d züg sin voll - werum also nit meh verlange? Das git meh gwünn und weniger lütt (eventuell) inde züg. E türe saulade isches scho immer gsi, und d infrastruktur baue si au laufend us - wills halt e halbstaatleche lade isch bruucht alles e chli länger, und unbegränzt platz isch au nit, da d lütt jo eigentlich schnäll vo A nach B wän, kei Verkehr unterwägs wän, und gliichzitig sölls aber au nit z vil stroose/schine und lärm gäh, und choschte sölls au nütt...
also:
- friss oder stirb (aka lauf)
- suechdr e arbetskolleg wo indr nöchi wohnt und fahr mit däm
- mach sälber s billet - aber für 1200 CHF fahrsch nit s ganz joor ins gschäft...
- suechdr e andere job indr nöchi
- zieh um
- friss oder stirb
c'est la vie. Ich muess au jede tag d idiote im tram ertrage (au wens nume 15 min sin) - oder i nimm s velo. Oder s Auto und zahl 4CHF/h im Parkhuus. höhö
|
|
|
|
|
|
|
|
|
|
|
logisch mues es was koschte, aber wenn de service glichzitig soger abe goht denn ka me sich scho fröge
und die ganze argument wo du uflischtisch sind eifach genau die gründ warum lüt pendlet... well me halt noed ka dstrecki laufe, sich noed e auto leiste ka (oder de parkplatz), es noed überall jobs für alli git, du noe dumzüche wetsch wel bla.
|
|
|
|
|
|
|
|
|
|
|
| | Zitat von Tachyon*
| | Zitat von Kif
D Situation isch aber uf de Strecki Solothurn-Züri ganz ähnlich gsi, woni döt gfahre bin. I weiss, dass mer weniger Personeverkehr (höhö, "Verkehr") hend als ez in Züri oder [RANDOM GROSSSTADT], aber d Problem dürfted wohl die ähnliche sii.
| |
öh?
| |
ich wage z behaupte, dass die strecki, mal abgseh vo vereinzelte no-go ziite, absolut entspannt isch. ich fahr die ab und zue
|
|
|
|
|
|
|
|
|
|
|
|
staht überhaupt öppis überd überfüllig? hans versuecht z überflüüge, aber isch so unübersichtlich.
|
|
|
|
|
|
|
|
|
|
|
|
|
|
|
|
|
also schatzi, ich hans gläse.
verwöhnte saugoff. de schwiizer durchschnittspendler im öv isch en verwöhnte saugoof. de standard isch höcher als nahezue überall susch uf de wält und priise trotzdem billiger als überall susch uf de wält im verglich zum agebot. s agebot isch fascht scho pervers. jedes dräcksdorf mit 5 iiwohner isch as öv netz agschlosse. ok, findi ja guet eso, mir zahled das allerdings au mit de stüüre.
rein wirtschaftlich gseh isch de öv vill vill vill z billig. vill. für de priis dörfsch eigentli nödmal motze wänn de zug kei feischter dinne het.
mal es chlises berächnigsbischpil:
heerbrugg - buchs (hi und zrugg)
ca. 67 km mitem PKW.
macht bi gschätzte 230 arbetstäg im jahr rund 15`400 km.
gemäss TCS isch bimene billige auto und dem jahreskilometerumsatz pro km inkl. amortisierig etc. en betrag vo 45 Rappe iizsetze.
pro jahr hesch en ufwand vo rund 6`900.-
elei für die strecki. dänn gasch aber sicher auno mal da anes konzert und det ane veraschtaltig, was i dim abo ja scho drin isch...
also wo isch dis problem nomal gsi?
|
|
|
|
|
|
|
|
|
|
|
Honey, sobald zwei Lüt im Auto sitzend, goht d Rechnig aber nüme so ganz uf. Zumindest bi Einzelfahrte. Bim Pendle möstisch eigeli no abzüche, das du da auto au no für anderi Zweck nutzisch.
D Qualität mag zwor ok sii, aber s Priis/Leischtigsverhältnis stimmt nöd. Weni irgendwie dur Serbie im Jogg-Tempo (kein Scheiss) duretuckere, denn erwarti au kei grossi Priise und die gits au nöd. Es isch also verglichswiis au günstiger im Usland.
|
|
|
|
|
|
|
|
|
|
|
schnucki, sogar z foifte im auto choscht ja immerno 1380.- pro nase...ganz eifachs bruchrächne
und wie gseit für die netzabdeckig (in serbie hetti heerbrugg kein bahnhof ) isch das wältwiit ungschlage.
/und auto für anderi zwäck nutze, det choschtet jede kilometer wider, öv-abo isch fixpriis wod chasch reise so vil wiet wilsch.
|
|
[Dieser Beitrag wurde 1 mal editiert; zum letzten Mal von DrKrabbe am 02.12.2009 14:03]
|
|
|
|
|
|
|
|
|
Scho, aber du benutzisch jos Auto nöd nume für zum go Schaffe goh, daher "teiled" sich d Fixkoschte nur uf die andere Fahrte uf wod machsch.
Und uf Buchs will me eigetli nöd freiwillig goh.
|
|
|
|
|
|
|
|
|
|
|
|
bim auto chame aber nöd würkli vo fixchöschte rede...es abo irgend es verbundnetz oder so, das sind fixchöschte. det wirds ja wohl irgend es verbundnetz gäh wod nöd nume nach buchs chasch fahre?! 30`000 km choschtet de PKW kilometer halt no 30rappe oder so, das macht dänn au kein unterschied meh. das sind dänn 1800.- im jahr, vorusgsetzt du fahrsch usschliesslich z foifte im auto...das chasch drähie wied willsch, auto isch immer tüürer.
|
|
|
|
|
|
|
|
|
|
|
wenn mer aber sowieso es auto hät, falled vieli vo dene berechnigspünkt weg, wie zb. versicherig, strasseverkehrsamt etc.
ich würd uf mim arbeitsweg au öppe grad usecho. und d sbb isch en huere bastardeverein.
wenn die scheiss hardbrugg nöd wär, würdi mitem auto fahre. bini schneller und vorallem bequemer.
|
|
|
|
|
|
|
|
|
|
|
|
wasserrohrbruch am limmatplatz, its teh chaos!!1
|
|
|
|
|
|
|
|
|
|
|
in der stadt isch sowieso:
roller (oder velo) > alles andere.
|
|
|
|
|
|
|
|
|
|
|
|
mitem velo wärsch auchli verarscht gsi.
|
|
|
|
|
|
|
|
|
|
|
äh, ja, sowieso, has eher allgemein gmeint
obwohl mit dene gfährt no eher ä uswichmöglichkeit hesch.
|
|
|
|
|
|
|
|
|
|
|
das isch korräkt.
aber wär nie ufd idee cho hüt morge mitem velo an bahnhof z fahre 
//
|
|
[Dieser Beitrag wurde 1 mal editiert; zum letzten Mal von DrKrabbe am 08.12.2009 14:52]
|
|
|
|
|
|
|
|
|
ne huet morge wär i au nie ufd idee ko mit em velo zgo
aber well i de ganz weg ha koene latsche weg dem **** rohrbruch bin i glich nass wore
e: het aber noed würkli mit de sbb ztue
|
|
[Dieser Beitrag wurde 1 mal editiert; zum letzten Mal von Strich am 08.12.2009 16:41]
|
|
|
|
|
|
|
|
|
haha geilo. hüt morge ohni 1 mal ahalte zmüese id stadt cho, inklusive rosegarte & hardbrugg... es schaffet eifach niemert... so müestis immer si 
|
|
|
|
|
|
|
|
|
|
|
sry das i de alte mist ufehole aber kif wohnsch du z'buchs?
ich schaff gad im bhf gebäude z'buchs...und ich denk mr immer wenn i die lüt vo 6-8 und am abig vo 4-6 gsehn hätti au kei bock uf zugfahre... brrr...
und sus, fahrgemeinschaft?
|
|
|
|
|
|
|
|
|
|
|
Ohoh.
Nei, i wohn z Altstätte, aber i schaff in Buchs. Und do demit ghöri zu dene Lüt vom 6-8.
Und du?
|
|
|
|
|
|
|
|
| Thema: SBB |
