|
|
|
|
|
|
ich hätt die AHV initiative au fascht leer igworfe 
|
|
|
|
|
|
|
|
|
|
|
| | Zitat von Shooter
ich mein, wenns agnoh wird, und das ganze denn au funktioniert, schön und guet, aber ich cha mr au vorstelle, dass das es gwüssi bevölkerigsschicht in däm land zimlig hart träffe wird. und das sind worhschinlich nid die, wo gnueg verdient händ im läbe damit si sich ä dritti süüle händ chönne baue.
| |
das isch halt s "standardtotschlagsinschtrumänt". Uf das wirdme in dere Diskussion imemr wiider träffe, spöteschtens denn bidr Diskussion obme vom Umlageverfahre ufs Kapitaldeckigsverfahre umstige will. D Übergangsgeneration sich IMMER die gfiggti, i bi jo kei sozialschwein oder so, aber irgendöpper mues halt in dä suuri öpfel bisse - entweder sins die, wo jetzt scho joorelang mehr gäld bekoh hän, als si eigentlech hätte sötte, oder es sin die wo joorelang für anderi zahlt hän und denn halt s päch hän, in dä Übergang ihnezkoh, wobii i überzügt bi, dass es entsprächendi Kompensation für die lütt günstiger käm als weme eifach wie gehabt wittermacht. Weme eifach überhaupt nütt macht denn göhn d Sozialwärg bachab und denn sin eifach alli die gfiggte, isch au nit so ersträbenswärt.
Wie gseit, irgendöpper isch immer dr Esel, weme e sones syschtem umstellt, aber es kah doch nit sii dases eifach so witterlauft, dass s gäld vo uns junge uf die alte umgleggt wird UND drbii no defizit gmacht wird. S Umlageverfahre isch jo schön und guet, aber es miessti au deckend schaffe und nit eifach e gsetzte Ertrag garantiere, wo gar nie meh erreicht worde isch inde letschte joor.
Isch halt e leidigs thema und s ganze system het no vil bögg dinne wome miest ändere - i persönlich bi eh drvo überzügt, dass mir junge kei rote Rappe meh gseh wärde und jede sälber mues luege, wiener duurekunnt. Usserdäm simmer immerno bi jammere uf hohem Niveau, dr "standard" isch verdammt hoch, drbii sött me au irgendwie wider lehre biz bescheidener z läbe und sich dä standard nit eifach witer vom staat loh finanziere.
|
|
[Dieser Beitrag wurde 1 mal editiert; zum letzten Mal von darkimp am 23.02.2010 12:41]
|
|
|
|
|
|
|
|
|
jo, do hesch sicher rächt, ich ha uf jedefall au vor 2 joor mis süle 3 konto eröffnet und ine immobilie investiert 
wenigschtens hanni es dach überem chopf mol gsicheret 
ahjo, und ä finanziel guet gsetzti familie, au ä gueti altersvorsorg 
aber ebe, wie du seisch, spare isch immer guet, und ufe staat vertraue cha tatsächlich ins aug go.
|
|
|
|
|
|
|
|
|
|
|
Oh mann. Das Git wider e dänkwürdige Sunntig hütt. Nit im positive Sinn
|
|
|
|
|
|
|
|
|
|
Iiverstande. Die arme Tier. 
|
|
|
|
|
|
|
|
|
|
|
Jo. Und byebye Pensionskasse.
Aber ev. hesch jo du au Nei gstumme - chaschmer mol erkläre wieso? Vilicht verstandi denn, wieso me das in däm alter ablehnt...
|
|
|
|
|
|
|
|
|
|
|
I mu ehrlich sii, i ha mi damol null demit usenandgsetzt.
Drum hani do au nöd mitdiskutiert, wos drum gange isch.
|
|
|
|
|
|
|
|
|
|
|
|
han schlussändlich ja gschtimmt. und chume jetzt zum schluss, dasses warschindli s plakat gsi isch wos usgmacht het. alli händ gmeint dass seg vo de svp und händ drum nei gschtimmt
|
|
|
|
|
|
|
|
|
|
|
|
denn isch de Plan ja ufgange
|
|
|
|
|
|
|
|
|
|
|
Aso da vode FDP het jo mol absolut i die glich Kerbe gschlage:
LINKE DIEBE STOPPEN!
|
|
|
|
|
|
|
|
|
|
|
|
daran sind nur die Linken und Netten schuld! mier nöd. nie, nei, uf kan fall....
|
|
|
|
|
|
|
|
|
|
|
| | Zitat von Kif
Aso da vode FDP het jo mol absolut i die glich Kerbe gschlage:
LINKE DIEBE STOPPEN!
| |
zwenig präsenz, fählende dauerberieselig. sones plakat hani nie gseh...aber de unia gahts anschinend prächtig, wett ja nöd wüsse wieviel de abstimmigskampf koschtet het.
|
|
|
|
|
|
|
|
|
|
|
|
Bi üs isch halt d FDP/CVP zimli stark. Aber s Plakat isch au nöd grösser als es A2.
|
|
|
|
|
|
|
|
|
|
|
| | Zitat von DrKrabbe
| | Zitat von Kif
Aso da vode FDP het jo mol absolut i die glich Kerbe gschlage:
LINKE DIEBE STOPPEN!
| |
zwenig präsenz, fählende dauerberieselig. sones plakat hani nie gseh...aber de unia gahts anschinend prächtig, wett ja nöd wüsse wieviel de abstimmigskampf koschtet het.
| |
dütlich weniger als dä vo dr pro site.
ich gang au mit sehr gmischte gfühl us däm sunntig use, wäg däm bvg zügs, im nochhinein hätti besser leer igworfe, aber irgendwie, ich ha no miteme kolleg diskutiert wo gseit het, eigentlich ischs nid so schlau gsi nei z stimme, aber jo stimme wär irgendwie au doof, will, und do hetter rächt, in bessere zyte wird dr satz evtl nümme ufego, naja.
was ich aber dänk, was ä grund isch gsi zum nei stimme, isch, dass die ganz gschicht eifach z früeh cho isch, vor allem will dr satz jo erscht grad gsänkt worde isch, das händ wohl vieli so gseh.
jetzt liegts wohl an dr politik, uf anderem wäg no lösige z sueche, will, das isch klar, öpis mues scho passiere.
was mi aber würkli chli schockiert het isch wie dütlich dr tierawalt abglehnt worde isch, und vor allem dass sich d buure so drgege gwehrt händ, das verstandi nid, und das lot mi eimol me über die egoistischi istellig vo de stimmbürger nochezdänke. ich verstand nid wieme so öppis so vehement ablehne cha. und vorallem d zürcher, damals mit 80% agnoh, jetzt mit fascht glich viel stimme abglehnt. naja. komischi sach.
uf jedefall söt sich aber d bundesrot und s parlament mol chli gedanke mache, was s volk eigentlich will, und evtl chli dra z schaffe s vertraue zruck gwinne. will so chas irgendwie nid witergoh, ich has gfühl, dass irgendwie eifach alles abglehnt und verbote wird, wie us trotz. und das nid nur d regierig gegenüber, sondern chli allem neue gegenüber. und das isch ä scheiss entwicklig und en rückschritt.
/ah jo, und das plakat "linke diebe stoppen", ha gmeint das sig vo dr svp.
|
|
[Dieser Beitrag wurde 1 mal editiert; zum letzten Mal von Shooter am 08.03.2010 9:34]
|
|
|
|
|
|
|
|
|
|
|
|
|
|
|
jojo, das vo dr FDP isch do massewis umeghange, s einzig was mi an d FDP het erinneret isch glaub d farb gsi...
aber ich has rächt pinlich gfunde dass d FDP au uf dä zug ufgsprunge isch. naja, bürgerlichi parteie halt...
|
|
|
|
|
|
|
|
|
|
|
|
|
|
|
|
|
|
|
|
|
|
|
|
hm isch na scheisse für dini kollege.
|
|
|
|
|
|
|
|
|
|
|
|
Verstahn ich grad nöd
|
|
|
|
|
|
|
|
|
|
|
|
Du Ultra.
|
|
|
|
|
|
|
|
|
|
|
|
|
|
|
|
|
|
freihandelsabkomme mit china isch profit!1
|
|
|
|
|
|
|
|
|
|
|
öb das jetzt ironisch gmeint isch oder nid, das abkomme wär au zstand cho wenn me dr dalai lama empfange hät, die chinesische interesse an de handelsbeziehige zu dr schwiiz sind nid weniger als die von uns zu china.
und am bispil vo dene uigure het me jo schön gseh dass china ganz gärn droht und wätteret aber denn glich keini konsequänze zieht. au in china ischs wirtschaftliche interesse z gross als dass mes wäge so öpisem ufs spiel setze würd. aber anschinend händ unseri 7 zwärge scho angscht wenn dr chines dr finger hebt und "meimei" macht...
|
|
|
|
|
|
|
|
|
|
|
naja, halb ironisch.
wett jetzt da aber kei diskussion über tibet und de ganz kult um de dalai lama azettle. ich nimme a du bisch da au informiert über die ironie im begriff "frei" im zämehang mit tibet. so vowäge lieber vode tibetische füerig unterdrückt als vo de chinese, sochli als chliners übel...
/und so langsam findis auchli aschträngend wie de bundesrat bi jedem schritt woner macht lächerlich gmacht wird, sorry aber so schlächt isch euse bundesrat nöd. da würkt eifach d svp maschinerie wo sich zum ziel gsetzt hät d landesregierig schlächt z mache und in dräck z zieh.
|
|
[Dieser Beitrag wurde 1 mal editiert; zum letzten Mal von DrKrabbe am 16.03.2010 11:45]
|
|
|
|
|
|
|
|
|
mir isch durchus bewusst dass in tibet vor 60 joor kei demokratie gherrscht het, nur, wie gseit, das isch 60 joor här, zu dere zyt hets in dr schwiz au kei richtigi demokratie gäh. uf jedefall chame dänki us hütiger sicht sage, dass der status quo wiener hüt in tibet unter chinesischer herrschaft wohl nid besser isch als unter "tibetanischer" herrschaft.
usserdäm ischs für mich au chli ä moralischi froog, ich persönlich halt dr dalai lama durchus für vernünftiger als die chinesisch regierig.
aber wie du seisch, das mues nid diskutiert wärde, was mich persönlich an dere ganze gschicht stört isch d tatsach, dass die tibetischi gmeind in dr schwiiz relativ gross isch, und die lüt sich do sehr guet integriert händ und dankbar sind, und das sit viele joor. das isch also scho fascht ä innepolitischi sach, schliesslich isch au d beziehig schwiiz - tibet sehr tief.
ich persönlich ha sälber ä kolleg wo halb tibeter isch, däm sini tibetischi mueter het damals als kleises kind flüchte müesse und weiss au hüt nonig wenn si geburtstag het. das isch irgendwie scho heftig. wenn me denn vo dr chinesische propaganda hört dasses de lüt unter china besser got isch das dr blanki hohn.
und wenn sich d schwiiz damals ufgrund vo humane traditione entschlosse het soviel flüchtling ufznäh, isches us hütiger sich no unverständlicher dass me das plötzlich nümm so hoch gwichtet, will jo china mol widr am teupele isch.
wie gseit, mir gots nid drum dass im tibet konsequent ä kultur usglöscht wird, sondern eher dorum, dass me mol widr dr bückling macht.
wirtschaftlichi interesse gits immer uf beidne site...
klar isches asträngend dass dr bundesrot immer lächerlich gmacht wird, aber für das ischer meischtens scho sälber zueständig. wenn zbsp ä frau leuthard imene interview bezüglich tierawalt und tierschutz uf d froog was füres tier si wär mit "ein delphin, der ist so schnell und kann den fischerbooten davon schwimmen" antwortet, denn brucht das keini witere kommentär me fürs lächerlich gmacht wärde.
klar mache si nid alles falsch, aber trotzdäm sind si unseri bundesröt und do drmit au unseri verträter im in und usland, und do erwartig eifach dass me sich au entsprächend verhaltet.
und es sind jo nid alli schlächt, d frau widmer schlumpf überzügt mi sehr oft durch ihri sachlichkeit, dr leuebärger isch au en glatte siech und dr muurer nid so schlimm wieni dänkt ha, aber die lüt stönd halt im zentrum vom öffentliche interesse, und do wird eim halt uf d finger gluegt. und wenn me en seich macht muesme halt widr go. das händ halt positione mit viel macht und verantwortig so an sich.
wenn me denn halt s gfühl het dr maa dörf mitem bundesrots-jet umefliege oder dass me am armeechef nid so genau uf d finger luegt denn isch me halt eifach dr falschi für dr job...
und zum schluss, ich bi wit drvo entfärnt dr svp maschineri ufe liim z goh, und au dass dr bundesrot vom volk gwählt wird halti für schwachsinn, denn chunnts nid besser, denn stönd eifach anderi deppe dört.
aber mir läbe innere demokratie wo meinigsfreiheit herrscht, und wenn ich s gfühl ha dass unseri regierig nid das macht was si söt, denn fühl ich mich als schwiizer frei gnueg das au z kritisiere. in china wird me für das verschosse (oder zumindescht ibuchtet).
|
|
|
|
|
|
|
|
|
|
|
|
|
|
|
|
|
|
haha, sags nid, nachem NEF! hanni dänkt, tja, schlimmer chas nid cho, aber dä blattmann schint jo nachere ruhige zyt langsam ufzdrülle und en ganz glatte siech zwärde....؟
|
|
|
|
|
|
|
|
|
|
|
|
Warum benutzt ez jede da huere ؟?
|
|
|
|
|
|
|
|
|
|
|
|
wills so herrlich dumm isch
|
|
|
|
|
|
|
|
| Thema: Politik ( Schneevölkchen und die sieben Bundeszwerge ) |
