Du bist nicht eingeloggt! Möglicherweise kannst du deswegen nicht alles sehen.
  (Noch kein mods.de-Account? / Passwort vergessen?)
Zur Übersichtsseite
Hallo anonymer User.
Bitte logge dich ein
oder registriere dich!
 Moderiert von: Lunovis


 Thema: Politik ( Schneevölkchen und die sieben Bundeszwerge )
« vorherige 1 2 3 4 5 6 7 8 9 10 11 12 13 14 15 16 17 18 19 20 21 22 23 24 [25] 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 nächste »
erste ungelesene Seite | letzter Beitrag 
rejteN

X-Mas Arctic
...
Hey, Gäld chöntsch immerno vom gliche Konzärn wie jetzt becho
17.02.2011 12:48:24  Zum letzten Beitrag
[ zitieren ] [ pm ] [ diesen post melden ]
Shooter

shooter
...
 
Zitat von rejteN

Hey, Gäld chöntsch fürs nüt mache immerno vom gliche Konzärn wie jetzt becho


sags doch so wies dänksch >(
17.02.2011 13:03:25  Zum letzten Beitrag
[ zitieren ] [ pm ] [ diesen post melden ]
just 4 fun

just 4 fun
 
Zitat von Shooter

jo, und das isch jo au genau das, wo ich persönlich an dr schwizer demokratie so schätz. ä abstimmig isch nid vrbi wenn d urne gschlosse wärde, die richtig arbeit foht denn erscht ah.
aber es chunnt halt, nach mim gfühl, in letschter zyt immer widr vor, dass me vo dr gwünner site (egal ob links oder rächts) immer zhöre griegt "s volk het entschiede, find di drmit ab, dr zug isch abgfahre". das stimmt halt nur bedingt. und wenn denn s parlament zämme chunt und das ganze usarbeitet, denn heisst "was mache die denn do scho widr, mir händ doch abgstimmt". so eifach ischs halt nur in de wenigschte fäll.


Gueti Sache, wo du da schribsch zum ganze, ned nur de Post woni jetzt zitiere.

Ja, mer chunnd das immer z'ghöre über "S'Volk hed entschiede", wenn die Partei ihres Ziel erreicht hed. Susch heissts "mir hend es guets Ergebnis erreicht". So Züüg chani au ned ghöre, ihr hend s'Ziel ned erreicht, punktum. Mer chan luege, was mer usem Ergebnis macht, das isch richtig, aber nachher immer numme s'positive etc. gseh, chani nümme ghöre. Schinbar isch es halt glich z'wenig gsi, zum d'Mehrheit vom Volk für s'Aliege z'überzüge. Und zu dem sött mer mal stah. Aber es schiint ja ned mögli, am eigne Wähler en Niederlag iz'gestah.

Ich gibe dir rächt: Es hed gueti Site, dass en Initiative ned de Schlussstrich isch. Ich frag mich halt nur, wie wiit mer das Spieli chan triibe. Wemer eh weiss, dass die Initiative so ned umgesetzt wird, wil nachher be de Umsetzig anders Züüg drigno wird etc. oder s'ganze umgstosse wird, denn chunnd mer sich als Wähler scho chli blöd vor. Beschts Bispiel isch da ja d'Summerziit-Ifüehrig. S'Volk seid 3x Nei und denn wird sie eifach igfüehrt. Chas si, dass es drum so Ergebnis gä hed wie be de Minarettinitiative? Seid sich de Durchschnittsbürger, "äh chum, scheissdruf nähmet mers a, die möched eh öppis anders"? Oder isch es wie oft behauptet, eifach es Signal a d'Regierig gsi zum Zeige "Liebi Politiker, mier fühled üs ned würkli ernscht gno" (ohni eigentli öppis gege d'Moslems z'ha)?

(Chline Ischub: Ich han mal mit emene SP-Politiker vo Neueburg gredt vor 2 Jahr und de hed mir versicheret, dass das Moslemproblem ned nur herbi gredt wird. D'Zahle vo dem Moslem stiget schinbar enorm. Mier eigentli wurscht, ich chan kei Religion verbutze und drum nimm ichs halt au ned als Bedrohig wahr)

Und no öppis zu de Usschaffigsinitiative: De Gegevorschlag isch bis ufs MUSS statt KANN genau s'gliche gsi wiemer scho im Usländergsetz hend. De Initiativvorschlag isch völlig unusgarbeitet gsi. Klar, ich han de Gegevorschlag welle, aber jetzt isch d'Initiative durecho und es isch glich ned tragisch, wils es jetzt so guet wie mögli apassed. Wird so d'Abstimmig ned irgendwie zunere Farce?
17.02.2011 15:06:10  Zum letzten Beitrag
[ zitieren ] [ pm ] [ diesen post melden ]
Shooter

shooter
...
haha, und wie en abstimmig durch so sache zur farce wird, grad bi dr usschaffigsinitiative isch das die klassischi "d gsetz wärde nid konsequent agwändet also mache mr eifach neui gsetz"-farce gsi Breites Grinsen

s einzig wome mit so öpisem ereiche cha isch, dr druck uf d richter z erhöhe, im sinn vo, s volk will mehrheitlich strängeri gsetz, also höred uf dauernd nur s mindeschtstrofmass z verwände...

dass e initiative nid völlig usgarbeitet isch isch aber dr normalfall, das het verschiedeni gründ, zum eine het me natürlich im bundesrot und im parlamänt s nötige know-how um e gsetzestext z verfasse, das chame vome initiant nid zwingend verlange (zum beachte isch do jo dass im grund gnoh jede dubel vo dr stross ä initiative starte cha, das isch jo ä kärnstück vor direkte demokratie).
zum andere chame natürlich so auf bime allfällige sehr knappe resultat die nötige kompromiss igoh. das het vo dämhär scho sini richtigkeit, zumal es jo joorelang cha go vo dr enstehig vor initiative bis zur ifüehrig vom neue gsetz/ vo dr neue verfassig. das mues natürlich au berücksichtig wärde.

ich dänk, so initiative sind scho sehr oft au als signalwürkig z verstoh, im sinn vo, he, mir sind denn au no do. chli muskle spiele loh. das het sich grad bi dr minarett initiative sehr schön zeigt. mir händ jo nid würkli es problem mit de minarett, nur will in zwei drei gmeinde sones türmli stoht. grad bi so emotionale theme gots meischtens um viel mehr als um das wo zur debatte stoht. isch jo bi dr waffeinitiative nid anderscht gsi. oder bi dr stürgrächtigkeitsinitiative.

wobi me natürli scho ufpasse mues dass me am volk kei overflow an abstimmige zumuetet, wenn mä am schluss jede seich in dr verfassig will ha nur wills ä initiative git seit der normal stimmbürger irgendwenn "lönd mi doch in rueh" und denn got d stimmbeteiligung no meh in chäller als das si eh scho isch.
17.02.2011 15:35:47  Zum letzten Beitrag
[ zitieren ] [ pm ] [ diesen post melden ]
just 4 fun

just 4 fun
 
Zitat von Shooter

wobi me natürli scho ufpasse mues dass me am volk kei overflow an abstimmige zumuetet, wenn mä am schluss jede seich in dr verfassig will ha nur wills ä initiative git seit der normal stimmbürger irgendwenn "lönd mi doch in rueh" und denn got d stimmbeteiligung no meh in chäller als das si eh scho isch.


Das wird leider ned passiere... Muesch mal d'Ziitlinie aluege und wenn das es Initiative gä hed. Irgendwenn ide 50er Jahr, damit de Bundesrat ned z'viel Macht hed und denn isch es fasch 40 Jahr gange bis zu de nächschte. Hützutags hemer allport en Initiative vonere Partei, wil sie so chan Wählerpünkt hole. Grad letschti irgendwo en Kommentar zu dem gläse, dass d'Initiative immer meh vo de Parteie für so Spieli missbrucht wärdet...

S'Problem isch au wie du seisch, dass mir de ganz Gugus immer i d'Verfassig schribet. Grad so Verwahrigsinitiativebullshit müesst ächt ned det drinne stah...

Ach ja und wäge de Stimmbeteiligung: Möched mer eifach immer emotionali Abstimmige wie be de Waffeinitiative, denn chömmed mer vo 35% doch scho uf 50%. Mit Gschlechterkampfsinitiative chämmet mer vilich no chli witer ue Breites Grinsen Augenzwinkern
17.02.2011 17:45:42  Zum letzten Beitrag
[ zitieren ] [ pm ] [ diesen post melden ]
Lunovis

AUP Lunovis 27.11.2007
...
Thema Initiative:
Es git sit es paar jahr d möglichkeit, e allgemeini volksinitiative izreiche. die hett die gliche aforderige wie e verfassigsinitiative, aber de underschied, dass mit de abstimmig d rät demit beuftreit werded, en gesetzes oder verfassigstext uszarbeite, wo de initiative entspricht.
will heisse: me chan eigetlich ineschribe was me wott. die ganz abwicklig isch nachher sache des rates wo derf luege wiemes am beschte realisiert und obs überhaupt was ide verfassig z sueche hett.
leider isch das mittel derzig na vill z wenig bekannt und wird daher au nöd agwendet.

Thema abstimmige und frustwähler:

gitz miner meinig na je länger je öfter, genau so wie die wunderbare stammtischwähler wo eifach das naplapperet wos ufem gröschte plakat mit am wenigschte buechstabe läsed.
aber da simmer leider ali selber schuld. anschinend hetts volk s bedürfnis, in bern en zirkus zhaa wo jahr für jahr privati und staatlichi milllione usewirft nume demit am schluss all ufenand wettere chönd. letschtenende günnt dä, wo sch ide öffentlichkeit am meischte über s generische thema vode wuche ufregt und die andere am beschte diffamiert.
s beschte bispil isch die wunderbar bundesratswahl gsi:
nur will d frau sommaruga nöd ihres lieblingsämtli becho hett, isch nachene es wuchelangs gezeter losgange wo sich ali gägesitig beschuldiged hend am schlamassel dschuld zsii. na vor 15 jahr hetti sich das so abgspilt, dass sich dä oder die neu mal gfüegt hett und denn bide erneuerigswahle gluegt worde wär wasme chan mache. d mitteparteie sind da mit irne schachspili au kan düt besser, vor alem wil sich grad d fdp immer chli det dureschlänglet wosne grad passt, bdp nöd weiss, wases grad devo halte söled und d cvp dra erinneret, dasme d familie nöd söl vernachlässige und debi je länger je meh nach rechts rutscht ohni dasses merked.
bi links und rechts gatz jewils doktrinierti ziel sit jahre ja nuna drum dass die rote nüt z säge hend und buurefänger uf de andere site endli ihres theater abstelle söled

da söl sich na eine wundere, dass d politik vo immer meh lüt nümm ernscht gnaa oder komplett ignoriert wird.
dene herre täts mal guet, wenn all zäme mal wieder ordentlich zämegstucht würded demits vo wolke 7 abechömed.

Thema Stadt-Land grabe:

schint vorhande zsii, ohne zweifel. das hett mit klischees aber weniger z tue als mit em informationsfluss und ere sehr differente lebensistellig.
ide grossstadt und agglo isches mittlerwiile üblich, das de goof scho ide primarschuel es natel hett, de pc scho sit eh und je umestaat und zum teil de fernseh au na permanent lauft. devo, dass die modernere medie eher linksgrichtet sind, chamme getrostusga. d informationsmengi inkl printmedie isch umes vielfachs höcher als das, womme ufem land z gsicht bechunnt. natürlich hends det au dsl, aber de umgange demit isch en komplett andere. da wird schnell gluegt obme es email oder susch e nachricht hett und denn na vilicht was im kino z emme lauft und denn isch wieder fertig töggelt. gratiszitige findsch vilicht ide agglo und evtl na am bahnhof zue en leere 20minuteständer vo denä wo gönd id stadt go schaffe. de rescht holt sich sini informatione entweder vo plakatwänd, chli radio central/sunshine/piatus, stammtische oder usem rote parteiheftli mit de schwizerchrüzli und em grüengeld lächelde sünneli, wo ja fründlicherwiis i jedem zweite briefchaschte liit. was ufem land eso passiert, isch reini desinformation vode wählerschaft. unds schöni isch: die wo am lütischte umewettered hend nachene am wenigschte ahnig, wemmes de fragt um wases denn überhaupt gieng, aber all stimmed nach treu und glaube ab, natürlich so wie sichs richtig ghört.

hetted die linke und d mitteparteie das finanzielle polschter wod svp zur verfüegig hett für ihri werbezweck... de grade wär scho um welte chliner. eso rechts sinds nämli gar nöd, die ländler. s hett genau so usländer wie ide stadt und me begegnet ne täglich und schätzts au. s git meischtens sogar weniger problem mitne als mit de eigete dorfjugend, was zwar gern under de tisch kehrt wird.
17.02.2011 19:09:20  Zum letzten Beitrag
[ zitieren ] [ pm ] [ diesen post melden ]
Shooter

shooter
...
 
Zitat von Lunovis

s beschte bispil isch die wunderbar bundesratswahl gsi:
nur will d frau sommaruga nöd ihres lieblingsämtli becho hett, isch nachene es wuchelangs gezeter losgange wo sich ali gägesitig beschuldiged hend am schlamassel dschuld zsii. na vor 15 jahr hetti sich das so abgspilt, dass sich dä oder die neu mal gfüegt hett und denn bide erneuerigswahle gluegt worde wär wasme chan mache.


jo, das isch me als lächerlich gsi, im mim umfäld hets au entweder kheisse "lol die linki wird abgstroft das got doch nid" oder "wieso isch do jetzt eini im justiz departement wo gar kei jurist isch" etc pp.

ich persönlich bi jo au dört dr meinig gsi, dass 1. d sp froh söll si dass si das departement händ, will si dört quasi direkte ifluss uf ihri kärnthemene chönd nä, und zum andere es bestimmt gnueg juriste git im EJPD.
abgseh drfo het d sommaruga jo ä guete istand kha, d hälfti vo de abstimmige het si jo gwunne


und no öpis zum schmunzle (oder hüle).

http://bazonline.ch/schweiz/standard/EuropaFlagge-bleibt-erlaubt/story/31927437

 
Am Sitz der EU-Botschaft in Bern soll auch in Zukunft die Europa-Flagge wehen dürfen. Der Bundesrat lehnt eine Motion von SVP-Nationalrat Oskar Freysinger ab, der ein Verbot der EU-Flagge forderte.



ohni kommentar.
[Dieser Beitrag wurde 1 mal editiert; zum letzten Mal von Shooter am 18.02.2011 9:08]
18.02.2011 9:04:58  Zum letzten Beitrag
[ zitieren ] [ pm ] [ diesen post melden ]
just 4 fun

just 4 fun
Ja de Freysinger... Eine wo im serbische Schriftstellerverband isch, hed us minere Sicht mal gar nüd z'mälde. Obwohl ich ihm was d'Schueltheme abelangt rächt gä muess.

Das mit em Amt vo de Simonetta hani au ned verstande. Isch doch für d'SP perfekt, chönnd sie da chli Ifluss nä.

Und was vom Volk au immer vergässe wird: Schlussändlich hend ned die 7 Clöwn, wo mier gsehnd am meischte Ifluss, sondern die ganze Lüüt hinnedra wo das usarbeitet etc. Die vore dörfet eifach immer anestah und de Grind aneha.

Edit: Ah ja, de Stadt-Land-Grabe gäbis so gar ned. Isch glaub geschter im Tagi en Kommentar vo eim dinne gsi.
[Dieser Beitrag wurde 1 mal editiert; zum letzten Mal von just 4 fun am 18.02.2011 18:09]
18.02.2011 18:09:08  Zum letzten Beitrag
[ zitieren ] [ pm ] [ diesen post melden ]
Lunovis

AUP Lunovis 27.11.2007
http://www.20min.ch/news/schweiz/story/-Die-SVP-faehrt-die-Schweiz-an-die-Wand--23103387

erstunlich, dases die ascho merked.
06.03.2011 11:05:35  Zum letzten Beitrag
[ zitieren ] [ pm ] [ diesen post melden ]
Lunovis

AUP Lunovis 27.11.2007
http://www.derbund.ch/bern/Wahl-ins-Stoeckli-Amstutz-gewinnt-hauchduenn/story/18305116

näbewürkig... isch etz im nationalrat...
ich chönnt chotze
06.03.2011 20:54:41  Zum letzten Beitrag
[ zitieren ] [ pm ] [ diesen post melden ]
-Riddick-

Japaner BF
mal luege was ich in zuekunft wähle, aber ich tendiere immer meh richtig svp. uf die grüene und linke hani überhaupt kei bock.

http://www.tagesanzeiger.ch/zuerich/region/Gruene-wollen-Sihlhochstrasse-abbrechen/story/30857482

es ganz chlises biespiel. 1. Jahrelang e neui grossbaustell (züri isch eh fascht nur no mit rot-wisse bretter dekoriert) 2. Stieget d mietene in allne quartier wieder ah siehe: Jedem zweiten Mieter an der Weststrasse gekündigt Es werded eifach de lüt d wohnige weggnoh was ich absolut krass finde...
und 3. Wo bitte söll mer d autobahn denn suscht baue?

Ich glaube ich wirde protestwähler und wähle eifach e partei wie svp, isch zwar au doof aber immerno besser als so idee unterstütze peinlich/erstaunt
[Dieser Beitrag wurde 1 mal editiert; zum letzten Mal von -Riddick- am 06.03.2011 23:36]
06.03.2011 23:35:36  Zum letzten Beitrag
[ zitieren ] [ pm ] [ diesen post melden ]
Köbi

AUP Köbi 29.09.2011
Moment. Di Grüene mached en Vorschlag, wo dir nöd goutiert, und du wechslisch gad is SVP-Lager? Pillepalle
06.03.2011 23:40:51  Zum letzten Beitrag
[ zitieren ] [ pm ] [ diesen post melden ]
-Riddick-

Japaner BF
 
Zitat von Köbi

Moment. Di Grüene mached en Vorschlag, wo dir nöd goutiert, und du wechslisch gad is SVP-Lager? Pillepalle



ich luege das triebe vo dene scho länger ah und kriegs 10h pro tag mit wenni am schaffe bin und wer bitte het no bock uf die jahrelange baustelle ide ganze stadt. Muesch mal an escherwyss platz gah oder uf wiedike bir schmiede wiedikon oder ca 50 andere ort in züri wo wie churz nacheme krieg usgsehnd.
Und wer meint das das alles nötig isch, warum befindet sich an diverse ort 3/4 jahr lang 5-10m tiefi gräbe ide strass wo denn 2 monat nachdems fertig baut hend scho wieder alles ufriesset? Das isch weder für fuessgänger no für autofahrer toll. Jede Tag ufs neue luege wie mer zfues soder mitem auto irgenwo here chunt.

ich will eifach wieder Züri wies gsi isch bevor de bauwahn agfange het damals bevor de uetlibergtunnel eröffnet worde isch traurig

begegnigszone, strasserückbau und parkplatzreduzierig isch doch alles schwachsinn...
und denn das ganze drama mit de veloweg. Ich bin vor 15 jahr scho täglich mitem velo vo wiedike an see gfahre und has überlebt. sogar als chlises kind mit 7i am papi hinderher gfahre ohni veloweg oder ähnliches.

übrigens en kommentar us dem eine artikel wo ziemlich passend isch
"Tja, so haben letztlich, die Verkehrsgeplagten, für welche die ganzen flankierenden Verkehrsmanssnahmen gemacht wurden, nichts aber auch gar nichts davon profitiert. Profitiert haben einzig die Immobilienbesitzer - für die war das ganze wie ein Sechser im Lotto. Verloren haben ausserdem die Verkehrsteilnehmer, welche nicht auf die Umfahrungsautobahn ausweichen können."
[Dieser Beitrag wurde 4 mal editiert; zum letzten Mal von -Riddick- am 07.03.2011 0:00]
06.03.2011 23:52:47  Zum letzten Beitrag
[ zitieren ] [ pm ] [ diesen post melden ]
Köbi

AUP Köbi 29.09.2011
Und e konservativs Stadtparlament söll Baustelle verhindere?
So wien ichs gsehn, werded die wie immer Strasseverbesserige welle duredrucke. Und dass das selber au wieder Baustelle mit sich bringt, sött iilüchte...
[Dieser Beitrag wurde 2 mal editiert; zum letzten Mal von Köbi am 07.03.2011 0:12]
07.03.2011 0:04:40  Zum letzten Beitrag
[ zitieren ] [ pm ] [ diesen post melden ]
-Riddick-

Japaner BF
 
Zitat von Köbi

Und e konservativs Stadtparlament söll Baustelle verhindere?
So wien ichs gsehn, werded die wie immer Strasseverbesserige welle duredrucke. Und dass das selber au wieder Baustelle mit sich bringt, sött iilüchte...



es gaht ja darum das es praktisch überall mit Rückbau ztue het
Schmiede Wiedikon wird zur Grossbaustelle

und dafür sind allei die linke und die grüene verantwortlich.

e: ahja in 1 1/2 jahr chömer denn wider lese das d mietene i dere umgebig astieged und viel bewohnen umzieh müend.
[Dieser Beitrag wurde 1 mal editiert; zum letzten Mal von -Riddick- am 07.03.2011 0:08]
07.03.2011 0:07:18  Zum letzten Beitrag
[ zitieren ] [ pm ] [ diesen post melden ]
Köbi

AUP Köbi 29.09.2011
Mag sii. Ich bin natürlich nöd ganz de richtig zum die explizite Situatione z beurteile. Ich bin ersch öppe 3 Mal per Auto tatsächlich dur Züri duregfahre. Susch immer öv...
Aber eich hami nu chli gfrägt, dass du als Alternative zu de Grüene - wo bekanntermasse i gwüsse Belange chli Wältfremd sind - nur di konservative Populischte gsehsch...
07.03.2011 0:13:02  Zum letzten Beitrag
[ zitieren ] [ pm ] [ diesen post melden ]
-Riddick-

Japaner BF
 
Zitat von Köbi

Mag sii. Ich bin natürlich nöd ganz de richtig zum die explizite Situatione z beurteile. Ich bin ersch öppe 3 Mal per Auto tatsächlich dur Züri duregfahre. Susch immer öv...
Aber eich hami nu chli gfrägt, dass du als Alternative zu de Grüene - wo bekanntermasse i gwüsse Belange chli Wältfremd sind - nur di konservative Populischte gsehsch...



hmm, naja wenn nur s eine exteme gsehsch denn denkt mer automatisch das mer das mit öpis anderem extreme chan "bekämpfe". und wie gseit, bin au kein fan vo vielne sache vo de svp aber die meischte negative sache störed denn weniger als das was die grüene mached.

Ganz bös gseit, mir wär lieber mer würd die grüene uf irgend e alp schicke und vo mir us anstelle vo dene gueti usländischi arbeiter hole
07.03.2011 0:19:59  Zum letzten Beitrag
[ zitieren ] [ pm ] [ diesen post melden ]
Köbi

AUP Köbi 29.09.2011
wennd so simpel i Parteikaschte dänksch, wähl doch FDP. Die schtönd au wiiter rechts, aber hend wenigschtens no öppis ide Birä..
07.03.2011 0:28:28  Zum letzten Beitrag
[ zitieren ] [ pm ] [ diesen post melden ]
DrKrabbe

DrKrabbe
dänn halt nomal: ligeschafte unterhalte isch notwändig und guet fürd stadt. wänn dänn halt d mietene stiiged, was wotsch mache. aber d läbensqualität künschtlich tüüf halte, dass sich di weniger gut betuchte (im fall weststrass vorallem usländer und sozialfäll) chönd e wohnig an beschter lag ide ineschtadt leischte...ich weiss ja nöd.
logisch mume dänn ufpasse dasses dänn usserhalb nöd zumene problem vode ghettoisierig chunt.
07.03.2011 8:40:59  Zum letzten Beitrag
[ zitieren ] [ pm ] [ diesen post melden ]
Shooter

shooter
...
 
Zitat von Lunovis

http://www.20min.ch/news/schweiz/story/-Die-SVP-faehrt-die-Schweiz-an-die-Wand--23103387

erstunlich, dases die ascho merked.


besser spot als nie, und bis zu de wahle gots jo no es cherli peinlich/erstaunt
07.03.2011 11:09:55  Zum letzten Beitrag
[ zitieren ] [ pm ] [ diesen post melden ]
rejteN

X-Mas Arctic
De Rückbou vo de Sihlhochstross fändi super. Es isch e Schand so es langs Stück vomne Fluss dur sones unnötigs und hässlichs Objekt zverunstalte.


Und s Bispil Escherwyss isch au chli falsch, dete wird jetzt halt mol 2 Johr oder 3 bouet, defür isch nacher alles Picobello mit neuer Hardbrugg, schönem(?) Escher Wyss Platz und em Primetower.
Mol devo abgseh, dass ich dete Sit 3 Johre regelmässig zFuess underwägs bin , und das scho vor jeglicher Boustell eifach Scheisse gsie isch..
07.03.2011 14:29:43  Zum letzten Beitrag
[ zitieren ] [ pm ] [ diesen post melden ]
Lunovis

AUP Lunovis 27.11.2007
aberaber.. die schöne beschleunigungsrenne under de hardbrugg wirdi hald schochli vermisse

d sihlhochstrass an sich isch i ihrere zit es bruchbars provisorium gsi, womme devo usgange isch, dasme das ding irgendwenn bis zum bahnhof selnau hett müese verlängere zum nachene underirdisch bis zum milchbuck gaa.

dummerwiis hend d lüüt nachem 73gi nümm so luscht druff gha das ali strasse direkt a ihrem balkon vobifüered.

jetzt isches allerdings ehner so, dases eifach en trichter isch wo ali gubristfuule dur züri dure lotst, und devo gitz zur genüge. ich für min teil fändis besser, wenn sich die ganze blechlawine abem sihlcity verteile würded als ersch im sihlhölzli.

und wer ide stadt züri meint er mües wäg baustelle klage tuet mer echt nöd leid. immerhin hani 20 jahr vo mim läbe näbet zweine verbracht. und bide einte hends all 14 stund e sprengig duregfüert womme na im schlaf ghört hett.
07.03.2011 18:20:59  Zum letzten Beitrag
[ zitieren ] [ pm ] [ diesen post melden ]
-Riddick-

Japaner BF
 
Zitat von Lunovis

aberaber.. die schöne beschleunigungsrenne under de hardbrugg wirdi hald schochli vermisse

d sihlhochstrass an sich isch i ihrere zit es bruchbars provisorium gsi, womme devo usgange isch, dasme das ding irgendwenn bis zum bahnhof selnau hett müese verlängere zum nachene underirdisch bis zum milchbuck gaa.

dummerwiis hend d lüüt nachem 73gi nümm so luscht druff gha das ali strasse direkt a ihrem balkon vobifüered.

jetzt isches allerdings ehner so, dases eifach en trichter isch wo ali gubristfuule dur züri dure lotst, und devo gitz zur genüge. ich für min teil fändis besser, wenn sich die ganze blechlawine abem sihlcity verteile würded als ersch im sihlhölzli.

und wer ide stadt züri meint er mües wäg baustelle klage tuet mer echt nöd leid. immerhin hani 20 jahr vo mim läbe näbet zweine verbracht. und bide einte hends all 14 stund e sprengig duregfüert womme na im schlaf ghört hett.



git wohl no lüt wo gern uf baustelle lebet Augenzwinkern ich jedefalls nöd. und das thema mit de sihlhochstrasse, wo genau will mer denn de verchehr dure leite. Es git genau ei strass und zwar di bi brunau. usserdem isch das ganze gebiet um die fluss sowieso hässlich. Als ob öper de Beton fluss toll finde würd.
[Dieser Beitrag wurde 1 mal editiert; zum letzten Mal von -Riddick- am 07.03.2011 21:55]
07.03.2011 21:53:46  Zum letzten Beitrag
[ zitieren ] [ pm ] [ diesen post melden ]
rejteN

X-Mas Arctic
etwas für sehr schlecht befinden
http://www.tagesanzeiger.ch/schweiz/standard/Bussen-gegen-Basler-Muslime-sind-wirkungslos/story/30314059

Und ich han dänk KOmmentär in Blick & co. wäred schlimm traurig
08.03.2011 9:25:54  Zum letzten Beitrag
[ zitieren ] [ pm ] [ diesen post melden ]
DrKrabbe

DrKrabbe
de yahya hassan bajwa het e offizielli stelligsnahm als tagi online kommentar abgeh...Pillepalle wie erbärmlich.
08.03.2011 9:33:58  Zum letzten Beitrag
[ zitieren ] [ pm ] [ diesen post melden ]
Shooter

shooter
...
wie lächerlich. entweder gits in basel nur 5 familie wo ächti moslems sind, oder aber die guete lüt nämed ihri religion ä chli zu ärnscht.

[polemik]mache mrs doch so wie in dr armee, wär s erschte obli verpasst 100.-, bim zweite, dritte und vierte mol proportional höheri bues und irgendwenn gits arräscht oder gfängnis.[/polemik]
08.03.2011 14:29:03  Zum letzten Beitrag
[ zitieren ] [ pm ] [ diesen post melden ]
Köbi

AUP Köbi 29.09.2011
verschmitzt lachen
Und eimal im Tag Bsuech vom FeldpredigerImam.
08.03.2011 14:47:13  Zum letzten Beitrag
[ zitieren ] [ pm ] [ diesen post melden ]
Shooter

shooter
...
shitstorm, round 2!

http://bazonline.ch/schweiz/standard/Die-Basketballspielerin-mit-Kopftuch-zieht-den-Verband-vor-Gericht-/story/22405379#kommentar
11.03.2011 12:49:01  Zum letzten Beitrag
[ zitieren ] [ pm ] [ diesen post melden ]
-Riddick-

Japaner BF
 
Zitat von Shooter

shitstorm, round 2!

http://bazonline.ch/schweiz/standard/Die-Basketballspielerin-mit-Kopftuch-zieht-den-Verband-vor-Gericht-/story/22405379#kommentar



hmm so kommentar gits irgendwie immer hüfiger, das zeigt irgendwie das eifach öpis nöd okay isch i dem land. Sehr viel lüt schiened eifach sehr verunsichert was usländer i dem land agaht. Aber wundere tuet mich au nüt meh.
11.03.2011 13:19:54  Zum letzten Beitrag
[ zitieren ] [ pm ] [ diesen post melden ]
Shooter

shooter
...
haha, jo, das chasch lut sage dass öpis nid ok isch. und ufgrund vo däm, dass sich in dr schwiz no kei moslem in d luft gsprängt het und die meischte guet integriet sind, wirdi s gfühl nid los, dass mr die unsicherheit anere bestimmte partei z verdanke händ...

/ich mein, abgseh vo dr kopftuech diskussion, wirdi s gfühl nid los, dass das eifach ä unlgücklichi reglig isch, wo dä verband do ufgstellt het, und jetzt mitem argument vo dr integration versuecht jeglichi kritik am reglement vo sich z schiebe, anstatt dass me schnäll zämehoggt, d fakte aluegt und halt evtl s reglement ä so apasst, dass die wos halt luschtig finde en huet z trage das au bim basketballspiele mache chönd. zumal es für mich würggli nid schlüssig isch, wieso es kopftuech oder au es chäppli jetzt es sicherheitsrisiko darstelle söt. das isch doch typischi "halt die an d regle, und sig si au no so dumm, oder gang alt neumed andersch go spiele"-mentalität. und do chame imene land wie dr schwiz eigentlich scho erwarte, dass me so öpis überdänke und notfalls ändere cha und nid eifach uf "ist so weil ist so" schalte duet. DAS find ich s trurige an dere sach, unabhängig vo dr ganze rächts-links-usländer-islam-diskussion.
[Dieser Beitrag wurde 1 mal editiert; zum letzten Mal von Shooter am 11.03.2011 13:36]
11.03.2011 13:32:39  Zum letzten Beitrag
[ zitieren ] [ pm ] [ diesen post melden ]
 Thema: Politik ( Schneevölkchen und die sieben Bundeszwerge )
« vorherige 1 2 3 4 5 6 7 8 9 10 11 12 13 14 15 16 17 18 19 20 21 22 23 24 [25] 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 nächste »

mods.de - Forum » Schweiz » 

Hop to:  

Thread-Tags:
| tech | impressum