Du bist nicht eingeloggt! Möglicherweise kannst du deswegen nicht alles sehen.
  (Noch kein mods.de-Account? / Passwort vergessen?)
Zur Übersichtsseite
Hallo anonymer User.
Bitte logge dich ein
oder registriere dich!
 Moderiert von: Lunovis


 Thema: Fonduestübli ( Spinnsch, Fondue im Summer? )
« vorherige 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 [80] 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 nächste »
erste ungelesene Seite | letzter Beitrag 
-Riddick-

Japaner BF
 
Zitat von Artemos

Ich bin wiit devo entfernt, de Zerstörigswahn vo dene Idiote guetzheisse, aber die Ussage sind doch total bescheuert.

"Es müend eifach zerscht mensche sterbe bevor öpis unternoh wird"
Was wotsch du da demit jetzt gnau sege?
Ïch bin nöd debi gsi, aber ich behaupte, wenn öper stirbt, denn wierd das e ähnlichi Situation wie a de Loveparade si, will d Bulle immer meh Mensche dur immer chlineri Chäfig z zwinge.
Es isch doch erstuunlich, wie immer wieder Lüüt ohni Ahnig d Klappe ufmached.

Und wie gseit, die Idiote wo de ganzi Zirkus agstellt hend, sötted unbedingt vord Justiz cho, aber das bi dere Situation Lüüt sterbed erschint mier doch unrealistisch.

Gib mer doch mal e Idee, was unternoh söll werde? Will bis jetzt ja gar nüt in Sache Gwaltprävention passiert?

"isch doch immr so"
Nume das Züri und Basel i dere Saison vorher scho 3x gegenand gspielt hend und bisher gar nüt passiert isch.



was ich damit sege will, eusi politiker mached erscht nach eim oder mehrere todesopfer öpis gege hooligans und randalierer. S sicherheitspersonal isch agriffe worde da chans durchus mal passiere das evtl mal öper totgschlage oder überrent wird.
[Dieser Beitrag wurde 1 mal editiert; zum letzten Mal von -Riddick- am 18.05.2011 23:22]
18.05.2011 23:21:34  Zum letzten Beitrag
[ zitieren ] [ pm ] [ diesen post melden ]
Artemos

AUP Artemos 22.07.2012
Haha, die elende Plastikwürscht wot doch eh niemert esse.
D Verpflegig im Letzi isch en Witz, ich chan mer au vorstelle, dass d Basler s sowieso nume uf d Ständ abgseh hend.
18.05.2011 23:22:41  Zum letzten Beitrag
[ zitieren ] [ pm ] [ diesen post melden ]
Artemos

AUP Artemos 22.07.2012
 
Zitat von -Riddick-
was ich damit sege will, eusi politiker mached erscht nach eim oder mehrere todesopfer öpis gege hooligans und randalierer. S sicherheitspersonal isch agriffe worde da chans durchus mal passiere das evtl mal öper totgschlage oder überrent wird.


Ja, oder das die Prügelwüetige Deltas schlönd mal öperem de Grind i.
Nasene hends ja scho ab und zue broche.
Arschlochdeltas.

Aber wie gseit, wenn kei Ahnig hesch, was hinter de Kulisse lauft, denn lahns doch efach blibe, was wotsch vo de Politiker?
Gwalt verbüte?
18.05.2011 23:24:48  Zum letzten Beitrag
[ zitieren ] [ pm ] [ diesen post melden ]
Strich

AUP Strich 07.01.2011
betruebt gucken
i glob die grüene/linke sind dschuld
18.05.2011 23:29:40  Zum letzten Beitrag
[ zitieren ] [ pm ] [ diesen post melden ]
-Riddick-

Japaner BF
 
Zitat von Artemos

 
Zitat von -Riddick-
was ich damit sege will, eusi politiker mached erscht nach eim oder mehrere todesopfer öpis gege hooligans und randalierer. S sicherheitspersonal isch agriffe worde da chans durchus mal passiere das evtl mal öper totgschlage oder überrent wird.


Ja, oder das die Prügelwüetige Deltas schlönd mal öperem de Grind i.
Nasene hends ja scho ab und zue broche.
Arschlochdeltas.

Aber wie gseit, wenn kei Ahnig hesch, was hinter de Kulisse lauft, denn lahns doch efach blibe, was wotsch vo de Politiker?
Gwalt verbüte?



muen ich jetzt mit mim jahresghalt vo irgendwie 70000.- für die en plan usdenke wos 10-20 fache verdiene?

aber ich machs jetzt doch mit nem artikel vo 2009..... http://www.20min.ch/sport/fussball/story/29398810

aber doof, mit eusere kuschelpolitik gaht das ja natürlich nöd. Unverhältnissmässig würded da sicher einigi linki politiker schreie Augenzwinkern
[Dieser Beitrag wurde 1 mal editiert; zum letzten Mal von -Riddick- am 18.05.2011 23:38]
18.05.2011 23:38:16  Zum letzten Beitrag
[ zitieren ] [ pm ] [ diesen post melden ]
Artemos

AUP Artemos 22.07.2012
Ich han gwüsst was chunt, bevor de Titel glade het, chasch mer de Artikel da inekopiere? Mis WiFi isch chli zlangsam zum 20min.ch z lade.
18.05.2011 23:41:52  Zum letzten Beitrag
[ zitieren ] [ pm ] [ diesen post melden ]
Artemos

AUP Artemos 22.07.2012
Nägscht Saison gits uf jede Fall wieder Millwall - West Ham, da gsehnd mer, wie guet England s "Hooliganproblem" im Griff het.

Die ganzi Sach het sich efach i die tüüfere Lige verschobe, wos niemert meh interessiert. Isch s gliche wie z Dütschland wo i de dritte Liga no massewiis Pyro zündet wierd.
Oder mer gsehts grad guet in Pole, will nächscht Jahr döt d EM isch, werded jetzt die ganze Massnahme ergriffe, das het bisher doch niemert interessiert.
Aber hauptsach chli öpis tue.
18.05.2011 23:52:23  Zum letzten Beitrag
[ zitieren ] [ pm ] [ diesen post melden ]
-Riddick-

Japaner BF
 
Zitat von Artemos

Ich han gwüsst was chunt, bevor de Titel glade het, chasch mer de Artikel da inekopiere? Mis WiFi isch chli zlangsam zum 20min.ch z lade.



wenn scho weisch um was es gaht denn isch ja guet. Aber ich glaube nöd das Deltas eifach willkürlich öperem d nase breched. Ich bin sehr oft a hockey spiel gsi und ha nie problem gha mit em sicherheitspersonal.

Fründin vo mim mitbewohner isch vor ein oder 2 monat bi eus vorem huus vome typ mit stange ide hand aquatscht worde ob da grad irgendwelchi verbii grennt sind (nachem spiel basel fcz ischs glaub gsi)
glichziitig sind ade hauptstrass stei und tränegas gfloge.

Es chan doch nöd sie das unbeteiligti lüt müend angscht ha das sie vor de huustür verprüglet werded will 2km entfernt fuessball gspielt wird?

und obs sich die scene verschiebt glaubi weniger, ide schwiez sind fuessballspiel chum usverchauft und für 2. oder 3. liga interessiert sich doch chum öpper. Meischtens findet sottig spiel i viel chlinerem rahme statt womer nöd es ganzes stadion chan kaputt mache und hunderti anderi fans gfördet werde.
[Dieser Beitrag wurde 2 mal editiert; zum letzten Mal von -Riddick- am 18.05.2011 23:57]
18.05.2011 23:53:43  Zum letzten Beitrag
[ zitieren ] [ pm ] [ diesen post melden ]
Artemos

AUP Artemos 22.07.2012
Ich han no nie Angscht gha vo irgendwem verprüglet z werde und bin nach Spiel oft no i de Gegend unterwegs.
Die Lüüt wo wahllos öper verprüglet chasch au im Usgang oder efach so uf de Strass treffe.

Und wie gseit, die ganze Massnahme in England sind alles Schiimassnahme zum d Bevölkerig z beruhige.
Du bisch mer recht Mediegläubig, debi werded die doch vo de linke kontrolliert?
18.05.2011 23:57:43  Zum letzten Beitrag
[ zitieren ] [ pm ] [ diesen post melden ]
Artemos

AUP Artemos 22.07.2012
 
Zitat von -Riddick-
und obs sich die scene verschiebt glaubi weniger, ide schwiez sind fuessballspiel chum usverchauft und für 2. oder 3. liga interessiert sich doch chum öpper. Meischtens findet sottig spiel i viel chlinerem rahme statt womer nöd es ganzes stadion chan kaputt mache und hunderti anderi fans gfördet werde.


Joa und wenn die ganze "Hooligans" weg sind, chunt niemert meh ad Spiel.
Aber ich chan der sege, dass es scho möglich isch, dass sich de Schwerpunkt irgendwenn verschiebt.
Meinsch d Lüüt und "mier" gönd ad Spiel will de Fuessball so supertoll isch? Da chan ich go Champions League luege.
Ich gahn für de Club as Spiel, für de Support, aber wenn mer eus nüme wot, chönd mier au Winti oder Höngg go supporte.

Chasch uf YT nach sekzion geil vom fc meile sueche.

e: Und es liit mier immer no fern vieli vo dene Idiote z verteidige, aber mit de grosse Chelle wies das i de PL gmacht hend, chasch i de Schwiz efach nöd anefahre, will denn niemert meh chunt. Ich mein wotsch meh als 40.- für es Stehplatzticket zwüsched Züri und Thun zahle? Uf das laufts denn nämli use.
[Dieser Beitrag wurde 1 mal editiert; zum letzten Mal von Artemos am 19.05.2011 0:04]
19.05.2011 0:01:46  Zum letzten Beitrag
[ zitieren ] [ pm ] [ diesen post melden ]
-Riddick-

Japaner BF
 
Zitat von Artemos

Ich han no nie Angscht gha vo irgendwem verprüglet z werde und bin nach Spiel oft no i de Gegend unterwegs.
Die Lüüt wo wahllos öper verprüglet chasch au im Usgang oder efach so uf de Strass treffe.

Und wie gseit, die ganze Massnahme in England sind alles Schiimassnahme zum d Bevölkerig z beruhige.
Du bisch mer recht Mediegläubig, debi werded die doch vo de linke kontrolliert?



wie gschriebe, vo mir us chan sich die szene gern i die 1. oder 2. liga verschiebe. Denn chönds maximal s gitter um de fuessball platz kaputt mache und imbiss ständ gits au nöd. und bi 100-200 zueschauer chan sowieso nöd viel passiere.
19.05.2011 0:04:46  Zum letzten Beitrag
[ zitieren ] [ pm ] [ diesen post melden ]
DrKrabbe

DrKrabbe
 
Zitat von Artemos

Winti oder Höngg



19.05.2011 0:05:27  Zum letzten Beitrag
[ zitieren ] [ pm ] [ diesen post melden ]
Köbi

AUP Köbi 29.09.2011
... \o/
 
Zitat von Artemos

chönd mier au Winti [...] go supporte.


Komma her!
19.05.2011 0:08:55  Zum letzten Beitrag
[ zitieren ] [ pm ] [ diesen post melden ]
Artemos

AUP Artemos 22.07.2012
Denn hesch amigs i St Galle und Bern es halbvolls Stadion will die jewils soviel Gratistickets verteiled, suscht chunt niemert meh.
Ich behaupte nöd, dass mier die einzige sind wo euse Club liebed, aber wer gaht denn no a Uswärtsspiel?

Vilicht hend mier verschiedeni Asichte vo Fuessball, aber für mich ghört die ganz Ultrakultur mit Pyros und Choreos au dezue.
Wohlgmerkt, de Zerstörigspart nöd.


Und no weg de Deltas, es het en Video geh vom Spiel, 5 Deltas am Igang am inehaue - ok. Rennt en 6te um de Ecke und fangt grad au a Inezchnüpple, chan ja nöd so falsch si.

Ich han mit Deltas bisher fasch usnahmslos schlechti Erfahrige gmacht, au wenn ich neutral oder was au immer unterwegs gsi bin. Im Stil vo "Hastn Problem? Geh weiter!"
19.05.2011 0:10:44  Zum letzten Beitrag
[ zitieren ] [ pm ] [ diesen post melden ]
Artemos

AUP Artemos 22.07.2012
 
Zitat von DrKrabbe

 
Zitat von Artemos

Winti oder Höngg



http://ragefac.es/faces/a864b2fbb7e5123752fc180c84cb25e9.png


Für de Rainer Bieli Fuessballgott würded mer no viel wiiter reise.
19.05.2011 0:12:18  Zum letzten Beitrag
[ zitieren ] [ pm ] [ diesen post melden ]
-Riddick-

Japaner BF
 
Zitat von Artemos

Denn hesch amigs i St Galle und Bern es halbvolls Stadion will die jewils soviel Gratistickets verteiled, suscht chunt niemert meh.
Ich behaupte nöd, dass mier die einzige sind wo euse Club liebed, aber wer gaht denn no a Uswärtsspiel?

Vilicht hend mier verschiedeni Asichte vo Fuessball, aber für mich ghört die ganz Ultrakultur mit Pyros und Choreos au dezue.
Wohlgmerkt, de Zerstörigspart nöd.


Und no weg de Deltas, es het en Video geh vom Spiel, 5 Deltas am Igang am inehaue - ok. Rennt en 6te um de Ecke und fangt grad au a Inezchnüpple, chan ja nöd so falsch si.

Ich han mit Deltas bisher fasch usnahmslos schlechti Erfahrige gmacht, au wenn ich neutral oder was au immer unterwegs gsi bin. Im Stil vo "Hastn Problem? Geh weiter!"



ich find eifach es muess möglich sie die 30-50 hooligans oder randaliere ussortiere und devo abhalte is stadion zcho. Ich denke meh sinds eh nöd und wenn doch denn sinds bestimmt no es paar mitläufer.

A dene hockeymatch im hallestadion woni gsi bin isches eigentlich praktisch immer friedlich zue und her gange und es es isch ziemlich volle gsi. Also warum sölled ohni hooligans kei lüt meh cho? Kapieri nöd ganz.
Es isch doch eher so das kei familie mit chind gönd en match go luege wills ihri chind wennd vor so unnötige sache bewahre
[Dieser Beitrag wurde 2 mal editiert; zum letzten Mal von -Riddick- am 19.05.2011 0:20]
19.05.2011 0:18:25  Zum letzten Beitrag
[ zitieren ] [ pm ] [ diesen post melden ]
-Riddick-

Japaner BF
nebedbi öpis

http://www.20min.ch/news/kreuz_und_quer/story/Polizist-kontaktierte-Gebuesste-16591080

 
«Ich finde es eine ungeheure Frechheit, dass mich ein Polizist nach einer Kontrolle privat kontaktiert», ärgert sich die Deutsche Anke S.* Die 31-Jährige war am 3. Mai auf dem Rückweg nach Deutschland, nachdem sie sich in Hergiswil für eine Stelle beworben hatte. In Kriens wurde Anke S. von der Polizei angehalten und gebüsst, weil sie eine Sicherheitslinie überfahren hatte.



isch das nöd allgemein chli gfahr wenn mer bi some netzwerk mitmacht? Das mer evtl kontaktiert wird vo lüt womer irgendwo troffe het. Wenn mer so schiss hät söt mer denn nöd besser d finger vo facebook lah?
19.05.2011 0:27:39  Zum letzten Beitrag
[ zitieren ] [ pm ] [ diesen post melden ]
Shooter

shooter
...
naja, eigentlich nid. das wär, als würdisch sage, dass dä sälber schuld bisch wenn im telefonbuech stoht wenn am schluss vomene stalker aglüte wirdsch...

irgendneume mues me ufhöre d lüt dauernd d schuld gäh für die kriminelli energie vo de andere.

 
Max Hofmann, Generalsekretär des Verbands Schweizerischer Polizeibeamter, stellt sich hinter den angezeigten Polizisten – eine solche Nachricht sei doch «herzig». Und: «Wenn man auf Facebook ist, muss man halt auch damit rechnen, kontaktiert zu werden.» Vorsicht bei privaten Kontakten sei allerdings immer gefragt.



das channi halt nid nochvollzieh. das isch nid härzig, sondern schlicht unprofessionell.

ich ha grad letschtens die glich story vonere bekannte vo mir khört, die het uf dr bank irgend öpis müesse erledige und isch nachhär vo däm typ am schalter au uf facebook kontaktiert worde. das got eifach nid, das isch in höchschtem mass unprofesionell und us minere sicht au ä missbruch vo dr eigene arbeit fürs privatläbe. grad binere bank, ne. got gar nid. polizei au. die sieche händ eifach viel z grossi isicht in persönlichi und vor allem vertrauenswürdigi sache (kontodate bi dr bank, was d polizei alles so weiss willi gar nid wüsse).
19.05.2011 9:23:29  Zum letzten Beitrag
[ zitieren ] [ pm ] [ diesen post melden ]
DrKrabbe

DrKrabbe
 
Zitat von Artemos

 
Zitat von DrKrabbe

 
Zitat von Artemos

Winti oder Höngg



http://ragefac.es/faces/a864b2fbb7e5123752fc180c84cb25e9.png


Für de Rainer Bieli Fuessballgott würded mer no viel wiiter reise.



es isch meh underschti, dass du winti uf die glich stufe wie motherfucking höngg schtellsch.

und ultra-fankultur isch überflüssig. die lüüt händ immer s gfühl ohni si seg de verein nüt me, defür isch de fanatismus i dene chreis genau s problem. de wächsel zu gwalt und provokation isch verdammt wenig wiit. zudem vertribets anderi fans wo uf so fanatischi trottels kei bock händ. han en kolleg vode hardcore fcz front, de typ isch en liebe siech, sicher nöd gwalttätig im normalfall, aber eifach en dachschade.
ultra problem hani in rappi beschtens mitbecho, zum die ganzi "mir sind fucking underground" kultur iizdämme (zu hoochziite isches würkli extrem gsi) ischs ja e offes ghemnis dass nöd zletscht die tatsach zum sehr umschtrittene imagewächsel gfüert het.
19.05.2011 9:42:42  Zum letzten Beitrag
[ zitieren ] [ pm ] [ diesen post melden ]
Shooter

shooter
...
 
Zitat von Artemos

Ja, oder das die Prügelwüetige Deltas schlönd mal öperem de Grind i.


haha, deltas Breites Grinsen

füürwehrmaa, füürwehrmaa, dä wos füürli lösche cha
fährimaa, fährimaa, dä wos schiffli stüüre cha
delta maa, delta maa, dä wo überhaupt nüd cha


so herrlich bescheuert Breites Grinsen

s problem an dr gwalt im stadion isch halt zum teil würkli au es völlig deplatzierts sicherheitskonzäpt. im joggeli händ sis mitlerwile rächt guet glöst, fas reise mitem extrazug ah, wärde diräkt vom bahnhof vorem stadion in gäschtesektor inegschleust und nach spieländi dörfe si dört no 30min warte während d fans vom fcb uf dr andere site vom stadion useglotst wärde, so hesch absolut kei kontakt zwüsche de fangruppe und d fcz fans sind au alli ruhig gsi bim letscht mol wonni bi go luege (het villicht au öpis mit dr 3:1 klatsche z tue kha Breites Grinsen )
19.05.2011 11:17:41  Zum letzten Beitrag
[ zitieren ] [ pm ] [ diesen post melden ]
Sabberlatz

AUP Sabberlatz 27.05.2008
Und i mag mi no an Zite erinnere wo mr in dr Muttzener Kurve als Lugano-Fan het chönne mitfane und nix user es paar süürliche Blick gärntet het.. good old times.

In dem Zämmehang han i d'Bilder vor Iishockey-WM no recht idrücklich gfunde, bunt gemischt und trotzdem friedlich.
19.05.2011 11:54:17  Zum letzten Beitrag
[ zitieren ] [ pm ] [ diesen post melden ]
Shooter

shooter
...
länderspiel händ sälte die brisanz wie clubspiel.
19.05.2011 12:01:36  Zum letzten Beitrag
[ zitieren ] [ pm ] [ diesen post melden ]
Artemos

AUP Artemos 22.07.2012
«Ich halte kritische Unternehmensberichterstattung für riskant und sogar für unnötig.» - Roger Köppel

wtf?

ps: Ich gahn morn uf dich i Krabbe.
22.05.2011 9:59:04  Zum letzten Beitrag
[ zitieren ] [ pm ] [ diesen post melden ]
Pennywize

Phoenix
 
Zitat von Artemos

«Ich halte kritische Unternehmensberichterstattung für riskant und sogar für unnötig.» - Roger Köppel

wtf?

ps: Ich gahn morn uf dich i Krabbe.



Köppel haut. Was erwartisch?

Apropos Schutte & Schlegle: Z'Bärn bin x-mau lieber amne Match oder ir Haue, statt i dere fucking Aarbärgergass. Dert hets itz ä abnormau grosse Ateu bsoffni Vouidiote am Wucheänd.
22.05.2011 18:55:13  Zum letzten Beitrag
[ zitieren ] [ pm ] [ diesen post melden ]
Artemos

AUP Artemos 22.07.2012
Het öper vo eu e offeni WesternUnion Filiale i de Nächi und chönt mier 50.- überwise?
Übermorn gits 60.- zrug, ich brüchts efach jetzt. peinlich/erstaunt
25.05.2011 23:11:36  Zum letzten Beitrag
[ zitieren ] [ pm ] [ diesen post melden ]
Strich

AUP Strich 07.01.2011
bi üs isch etz viertel ab 11i
die hend etz alli zue

hesch wettschulde? Breites Grinsen
das heti der vorher köne sege dass basel hüt gwünnt
25.05.2011 23:16:02  Zum letzten Beitrag
[ zitieren ] [ pm ] [ diesen post melden ]
Artemos

AUP Artemos 22.07.2012
Nei, aber mini Muetter überwiist mier s Geld wo sie mier schulded aber nöd im Duuruftrag und letscht Wuche het sies vergesse. Und sie isch ersch hüt us em Tessin heicho, drum gits früehstens morn Geld.
Sit Samstig kei Geld meh, han bis jetzt chöne vom Hostel lehne, aber die hend im Moment au kei meh.

Jetzt han ich Hunger und sit geschter Mittag nüt meh gesse. traurig

S git doch au 24h Filiale vo dene oder wieso rühmed die sich denn mit 24h Moneytransfer? Und villicht het ja eine Online WU
25.05.2011 23:31:43  Zum letzten Beitrag
[ zitieren ] [ pm ] [ diesen post melden ]
Strich

AUP Strich 07.01.2011
jo online gohts scho 24/7 aber die filiale in züri hend spötischtes bis am 10i am obet ofe lut de westernunion website
25.05.2011 23:33:22  Zum letzten Beitrag
[ zitieren ] [ pm ] [ diesen post melden ]
Artemos

AUP Artemos 22.07.2012
Ich getrau mich nöd im p0T en Thread ufzmache peinlich/erstaunt
Chum mer chli doof vor, han aber Hunger.
Was isch besser, uf de Strass oder im p0T nach Hilf z sueche?
25.05.2011 23:39:21  Zum letzten Beitrag
[ zitieren ] [ pm ] [ diesen post melden ]
Strich

AUP Strich 07.01.2011
verschmitzt lachen
stross

uf de andere site wennd agibsch mit dene 50 stutz en brune zbaue kunnt das ganze sicher recht schnell ine
25.05.2011 23:45:30  Zum letzten Beitrag
[ zitieren ] [ pm ] [ diesen post melden ]
 Thema: Fonduestübli ( Spinnsch, Fondue im Summer? )
« vorherige 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 [80] 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 nächste »

mods.de - Forum » Schweiz » 

Hop to:  

Thread-Tags:
| tech | impressum